१० मंङ्सिर, रामेछाप । लैङ्गिक हिंसा बिरुद्धको १६ दिने अभियान रामेछपाको मन्थलीमा पनि सुरु भएको छ ।
“लैङ्गिक हिंसा अन्त्यको प्रतिबद्धता ःव्यक्ति, समाज र सबैको ऐक्यबद्धता” भन्ने मूल नाराका साथ मन्थली नगपालिकाले बुधबार विहान मौन रयाली र साझ दीप प्रज्वलन गरी अभियानको शुभारम्भ गरेको हो ।
जिल्ला समन्वय समितिको प्रङ्गड बाट सुरु भएको ¥याली मन्थली बजार परिक्रमा गरि देवकोटा चोकमा आएर समापन भएको थियो ।
कार्यक्रमका अबसरमा बोल्दै मनथली नगरपालिकाका प्रमुख रमेश कुमार बस्नेतले आफ्नो नगर क्षेत्र भित्र कुनै पनि किसिमको महिला हिंसा हुन नदिने प्रतिबद्धता गर्नुभयो । उहाले हिंसा भइहालेपनि हिंसा गर्नेलाई तत्काल कानुनको कठघरामा उभ्याउने बताउनुभयो ।
कार्यक्रममा बोल्दै प्रमुख जिल्ला अधिकारी रुद्रादेवी शर्माले महिला हिंसा बिरुद्धको अभियान १६ दिन मात्र नभइ ३ सय ६५ दिन नै जारी रहेको बताउनुभयो । उहाले जुनसुकै खालको हिंसा भएपनि प्रशासनले पिडक लाई कुनै हालतमा पनि नछाडि कानुनी दायरामा ल्याएर आबश्यक कार्बाहि गर्ने बताउनुभयो । उहाले सामुदाय प्रहरी साझेदारी कार्यक्रमपनि जिल्लाभर लागु भैरहेको बर्तमान सन्दर्भमा कुनै पनि किसिमको हिंसा भएमा तत्काल प्रहरीलाई खबर गर्न पनि अनुरोध गर्नुभयो ।
२०७७ मंसिर १० देखि २५ गते (तदनुसार २०२० नोभेम्बर २५ देखि डिसेम्बर १०) सम्म बिभिन्न कार्यक्रम आयोजना गरी यो अभियान नगरपालिकाका वडा –वडा मा समेत लगेर सफल पार्ने गरी कार्यक्रमहरु तय भएको मन्थली नगरपालिकाकी उप–प्रमुख माया कुमारी कार्कीले बताउनुभयो ।
अभियानको पहिलो दिन साझ मन्थली स्थीत देवकोटा चोकमा दिप प्रज्वलन समेत गरिएको थियो । जिल्लाका अन्य पालिकाहरुमा पनि यो अभियान बिभिन्न कार्यक्रमहरुका साथ सुरु भएको जानकारी प्राप्त भएको छ ।
यो बारेमा तपाईको प्रतिकृया