रामेछाप,९ असार । रामेछापको मन्थली नगरपालिका वडा नं ५ मा रहेको भैरवी माध्यामिक सामुदायिक विद्यालयलाई ‘प्लास्टिक मुक्त’ विद्यालय घोषणा गरिएको छ । बुधबार वडा बाल क्लब संजालले आयोजना गरेको औपचारिक कार्यक्रमका विच सो वडाका वडाध्यक्ष रविन कार्किले भैरवी माविलाई ‘प्लास्टिक मुक्त’ विद्यालय घोषणा गरेका हुन् ।
वडा बाल कल्ब संजालको आयोजना र वातावरण संरक्षण परियोजनाको निरन्तरको सहयोगमा उक्त विद्यालयलाई बुधबार बाट‘प्लास्टिक मुक्त’ विद्यालय घोषणा गरिएको हो । वातावरण परियोजनाले बाल संजाल क्लब गठन गरि उनिहरुका लागि नियमित रुपमा खानपान ,सरसफाई संस्कार र सकरात्मक चिन्तन आदीको बारेमा जानकारी गराउँदै आएकोले त्यसैको प्रभाबवाट विद्यालयलाई प्लास्टिक मुक्त विद्यालय घोषणा गर्न सफल भएको मन्थली नगर वाल संजालकि उपाध्यक्ष अंजिता कार्किले बताईन् ।
जिल्लमा पहिलो पटक आफनो विद्यालयलाई प्लास्टिक मुक्त विद्यालय घोषणा गर्न पाएकोमा आफुलाई खुसि लागेको वडा अध्यक्ष रवीन कार्कीले बताए । आयोजकले तयार पारेको प्रतिबद्धता वोर्डमा हस्ताक्षर गर्दै अध्यक्ष कार्किले यो अभिायानलाई आफुले सवै विद्यालय र घर घरमानै पुर्याउन चाहेको बताए । उनले विगतमा आफनो वडा र विद्यालय स्तरमा जे जति खालका कमि कमजोरी भएको भएपनि आगामि दिनमा कुनै पनि खालको कम्जोरी हुन नदिन आफु सदैव कृयाशिल हुने पनि कार्किले बताए ।
उनले आफु वडाबासीका लागि शासक नभएर सेवक भएकोले विद्यालयको सुधार र सिङ्गो नागरिकको हितका लागि कुनै पनि कसुर नराख्ने प्रतिबद्धता पनि ब्यक्त गरे । सामान्य परिवारबाट उठेको साधारण ब्यक्ति भएकै कारण आफुलाई नागरिकहरुले जिताएको स्मरण गर्दे अध्यक्ष कार्किले विद्यालयको सुधार र वाल वालिकाको विकासमा कुनै पनि कमिहुन नदिने पनि बताए । आफनो विद्यालय जिल्लामानै पहिलो पटक प्लास्टिक मुक्त विद्यालय घोषणा गर्न पाएकोमा पनि उनले खुसि ब्यक्त गरे ।
विद्याललाई प्लास्टिक मुक्त घोषणा गर्नै अभियानमा मन्थली नगरपालिका वडा नं १का वडाध्यक्ष रामहरी पौडेल, ३ का अध्यक्ष कृष्ण गोपाल थापा, ४ का अध्यक्ष राजन घिमिरे, नेपाल पत्रकार महासंघका अध्यक्ष बद्री नयाँघरे, विद्यालय व्यवस्थापन समिति,का पदाधिकारी, वातावारण संरक्षण परियोजनाका पदाधिकारीहरुको संयुक्त टोलिको रोहबरमा विद्यालयलाई ‘प्लास्टिक मुक्त’ विद्यालय घोषणा गरिएको जानकारी वडा बाल संजालकि अध्यक्ष अस्मिता कार्किले बताईन ।
प्लास्टिकले वातावरणलाई प्रदूषित बनाउने भन्दै यस अभियानलाई वडाभरी र परियोजना लागु भएका सबै वडा र तिनका विद्यालयमा पुर्याउन सके कार्यक्रमले सार्थकता पाउने परियोजनका कार्यकारि निर्देशक मिलन कुमार घिसिङ्गले जानकारी दिए । अब हामिले गरेको सबै कामलाई स्थानिय सरकारले जिम्मा लिएर निरन्तरता दिन सक्नु पर्छ । सोहि बमोजिमको अनुरोध हामिले जन प्रतिनिधी हरु संग गरेका छौ । सो क्रममा परियोजनाले हाल सम्म गरेको कामको समेत अनुगमन गरिएको थियो ।
यो बारेमा तपाईको प्रतिकृया