लुभु दुर्घटनामा १२ को मृत्यु, २६ घाइते, अत्याधिक गतिका कारण दुर्घटना भएको अनुमान

२१ असार, रामेछाप ।
सुनापति–३ हिलेदेवी स्वाराबाट काठमाडौंका लागि छुटेको बा ३ ख ८३९६ नम्बरको बस खाँडादेवी र सुनापतिको सिमाना स्थीत लुभुघाट भिरको मोडमा दुर्घटना हुँदा १२ जनाको निधन भएको छ । मृतक १२ मध्ये ९ जनाको घटनास्थलमा र ३ जनाको धुलिखेल अस्पतालमा उपचारको क्रममा मृत्यु भएको रामेछाप प्रहरीले जनाएको छ । दुर्घटनामा परी २६ जना घाईते भएको विवरण आफुले घटना स्थलमा पाएको रामेछापका प्रहरी प्रमुख राजकुमार थिडले घटना स्थलबाट जानकारी दिए ।
दुर्गम सडक र अत्याधिक गतिका कारण वस दुर्घटना भएको हुन सक्ने अनुमान पनि प्रहरीले गरेको छ । २६ जना घाईत मध्ये थप गम्भीर घाइते ४ जनालाई उपचारका लागि हेलिकोप्टरबाट काठमाडौं र अन्य सबैलाई धुलिखेल अस्पतालमा लगि उपचार भईरहेको पनि डिएसपी थिङले जानकारी दिए । जिल्ला प्रहरी कार्यालय रामेछापका डिएसपी राजकुमार थिङले दुर्घटना ग्रस्त बसको क्षत विछेद अबस्थामा रहेको जानकारी पनि गराए । मृत्यु भएका ९ जनाको लासको आजै सनाखत गरि घटनास्थलमानै पोष्ट मार्टम गराउने गरि आबश्यक तयारी भईरहेको जानकारी पनि गराए । उनले घटनाको गाम्र्भीर्यताका कारण आफुहरु केहि समय दुर्घटनास्थलमै रहेर थप अनुसन्धान गर्नै जानकारी गराए ।