बिद्युत सेवा अनियमित भएको भन्दै कार्यालयमा डेलिगेसन

रामेछाप — नियमित रुपमा विद्युत् सेवामा समस्या आएपछि मन्थलीका नागरिक संस्थाका अगुवा र ब्यवसायीहरुले बिद्युत प्रधिकरणमा डेलिगेसन गएका छन् । विद्युत सेवामा भएको अनियमिता संगै उद्योग तथा कल कार्खाना र कार्यालयको दैनिक काममा समस्या भएपछि हैरान भएका उपभोक्ताहरुले समस्याका बारेमा विहिबार कार्यालय प्रमुख कृष्णहरी दाहाललाई भेट गरि समस्याको बारेमा जानकारी गराएका हुन् ।
नियमित विद्युत सेवामा पुगेको अबरोध संगै दिनमा दजनौ पटक सम्म विद्युत जान थालेपछि हैरानीमा परेका उद्यमी,ब्यवसायी, संचारकर्मी र नागरिक संस्थाका अगुवाहरुले पेशा व्यवसायीले प्राधिकरण पुगेर कार्यालय प्रमुखलाई भेट गरि तत्काल समस्या समाधान गर्न आग्रह गरेका थिए । सबै खालका उपभोक्ताका समस्या लिएर प्राधिकरणमा पुगेका अगुवाहरुले विद्युतमा पुगेको अबरोधका भएको सबै समस्याका बारेमा जानकारी गराएका थिए ।
रामेछापमा महिनौ देखि विद्युत सेवा अनियमित हुदै आएको छ । विद्युत पटक पटक जाने आउने गर्दा अस्पताल, संचार माध्यम, पेशा व्यवसाय र सरकारी कार्यालयले सम्पादन गर्ने सेवा समेत प्रभावित हुन थालेका छन् । अत्याधिक गर्मी हुने मन्थलीमा विद्युत जादा जनजिवन समेत कष्टकर बन्न थालेको छ ।
डेलिगेसनका अगुवा एबं तामाकोशि अस्पतालका अध्यक्ष गोविन्द घिमिरेले विद्युत सेवामा आएको अबरोधका कारण मिर्गौला रोगीका लागि दिइँदै आएको डायलसिस सेवा अवरुद्ध हुन थालेको र केन्द्रमा अहिले १७ जना नियमित डायलसिस गराउने बिरामी र अन्य विरामी समेत प्रभावित भएको बताए । उनले भने जेनेरेटर चलाएर काम गर्न नसक्ने अबस्थामा अस्पताल पुगि सकेको छ ।
सिन्धुली र दोलखा तर्फबाट ल्याइएका ३३ केभि प्रशारण लाईन दुवै भरपर्दा नभएकोर लाईनमा पर्नै रुख विरुवा र तिनका हाँगा विंगा अनि वर्षादका कारण पनिे विद्युत जाने आउने भइरहेको नेपाल विद्युत प्राधिकरणका रामेछाप वितरण केन्द्र प्रमुख कृष्णहरी दाहालले टोली लाई जानकारी गराएका थिए ।
उनले यस बारेमा कार्यालय जानकार रहेको भन्दै जति सक्दो चाँडो समस्या समाधान गर्न कार्यालय तयार रहेको जानकारी पनि सो अबसरमा गराएका थिए ।
गर्मी मौसममा मन्थली त्यसै पनि विद्युत्बिना बस्न सकिँदैन; त्यसमाथि आम ब्यवसायी सरकारी र अन्य कार्यालयका सेवा विद्युत्सँग सम्बन्धित रहेको हुँदा सर्वसाधारणले भनेको बेलामा सेवा पाउन छाडेका छन् । सबै कार्यालयमा वैकल्पिक विद्युत्को व्यवस्था छैन । यो अबस्थाको भोगाई सहन नसकेपछि आफुहरु कार्यालयमा डेलिगेसन आउन बाध्य भएको रामेछाप उद्योग बाणिज्य संघका अध्यक्ष केशब घिमिरेले बताए ।
अर्का अगुवा मन्थली खानेपानी उपभोक्ता समितिका अध्यक्ष पुर्ण सुवेदीले विद्युत सेवा अनियमित भएकै कारण २ महिनाको विचमा समितिको ३० लाग भन्दा बढिको सामान पड्किएर नष्ट भएको भन्दै प्रमुख संग आक्रोस पोखेका थिए ।