मन्थलीका मेयर र मिडियाको खबरदारी पछि माटो माथिको कालोपत्रेको काम रोकियो

रामेछाप । शुक्रबार विहान मन्थली नगरपालकिाका मेयर लब श्रेष्ठलाई अमुक ब्यक्तिले फोन गरेर भने मेयर साब भलुवाजोरको बोक्से पाखाको सडकको माटो माथिनै कालोपत्रे भैइरहेको छ तपाईको ध्यान जानु पर्यो नि । त्यस पछि मेयरलाई अरु धेरै सडकमा सबार सरोकारी हरुले पनि लगातार फोन गरे र उक्त घटनाको बारेमा सुनाईनै रहे ।

विहानको पहिलो औपचारीक कार्यक्रम देखिनै फोनको वर्षा भएपछि उनि जिम्मेवारी बोध गर्दै आफना केहि सहयोगी नेकपा एमालेका जिल्ला अध्यक्ष आनन्द श्रेष्ठ वडा नं ८ का वडा अध्यक्ष गोपाल श्रेष्ठ सहितलाई लिएर घटनास्थलमा पुगेर कामको गहिरिएरनै निरिक्षण गरे । सो क्रममा उनले साथमा सडक कालोपत्रै स्थल पुगेर हेर्दा सडक कार्यालयका प्रतिनिधि शंकर कार्किको उपस्थितिमा कामदारहरु सडकमा कालोपत्रे गर्र्दे थिए ।
विचमा कालोपत्रे,नाला भरिएर सडकको छेउमै थुप्रीएको माटो । जुन तरिका देख्दा कुनै पनि सहने आधारै थिएन । उनले भुईमा हातले कोट्याएर धुलो माथि कालो पत्रे गर्दा पनि बेवास्ता गर्नुको कारण बारे डिई संग प्रश्न गरे । यो मेरो अधिकार क्षेत्र भित्रको कुरा त होईन ,तर पनि यस्तो नक्कली काम गर्न भने तपाईले पाउनु हन्न् । त्यसैले तत्काल काम रोक्नुस । मेयरले घटनाको यथार्थताका बारेमा डिभिजन सडक कार्यालय डिभिजन ईन्जिनियर लक्ष्मण जोशिलाई फोनमा भने सर यो के तरिका हो । यो बारेमा तपाइले सबै जिम्मा लिनुृ पर्छ । अन्यथा काम रोक्नुृस ।
मेयरको साथमा सडक अनुगमनमा पुगेका नेकपा एमाले रामेछापका जिल्ला अध्यक्ष आनन्द श्रेष्ठले यो खालको सरकारी रबैया कसैको लागि पनि सह्य नहुने भन्दै यसलाई तत्काल रोक्नु पनि माग गरे । े
टोलिका अर्का सदस्य मन्थली ८ का वडा अध्यक्ष गोपाल श्रेष्ठ सरकारी रबैया र कर्मचारीहरुको ब्यवहारले नागरिकहरुमा असंतुष्टि बढेको भन्दै ।यस खालकोे काम तत्काल रोक्न पनि उनले आग्रह गरे । उनले सदरमुकाम मन्थली बजार संगै जोडिएको मन्थली ६ को बोक्से पाखा सडकको अवस्था त यस्तो छ भने अन्यत्रको अबस्थ कस्तो होला भन्दै प्रति प्रश्न पनि गरे ।

यस बारेमा डिई लक्ष्मण जोशी संग सम्पर्क गर्दा उनले विहान आफु स्थलगत अनुगमनमा जाँदा त ठीकै काम भएको देखेर आएको भन्दै मेयर र मिडिया क्षेत्रको खबरदारी पछि आफुले कालोपत्रेको काम तत्काल रोक्न लगाएको जानकारी दिए । उनले खुर्काट देखि मन्थली क्षेत्रको सडकको खाडल टाल्दै आउने क्रममा बोक्सेको पहरोमा आएपछि काम सन्तोस जनक नभएको कारण उक्त काम दोहोरियाउन लगाउने र भदौ लागेपछि मात्र कालो पत्रेको काम गर्र्ने गरि लिखित रुपमा निर्देशन दिईसकेको जानकारी गराए । उनले गलत सिजनमा गलत काम भएको कुरालाँई पनि स्वीकार गरे ।