रामेछाप–२४ असार । राजनितिक र सामाजिक यात्राका क्रममा डेढ बर्ष अघि स्वर्गारोहण हुनु भएकि स्वर्गीय संविधानसभा सदस्य कमलाकुमारी घिमिरे (सुवेदी) को अर्धकदको शालिक अनावरण गरिएको छ । उनको सालिक शुक्रबार एक समारोहका विच मन्थली नगरपालिका–१ मच्छेडाँडीको घुम्तीमा मन्थली नगरपालिका प्रमुख लब श्रेष्ठद्धारा अनावरण गरिएको हो ।
नेकपा एमालेकि तत्कालिन के्िन्द्रय सदस्य समेत रहेकि सुवेदी दोश्रो संविधानसभा निर्वाचनबाट नेकपा एमालेबाट समानुपातिक तर्फबाट सभासद बनेकी थिईन् । सुवेदीको ब्रेन ट्युमरबाट २०७६ साल कार्तिकमा ५० वर्षको उमेरमा निधन भएको थियो ।
सालिकको अनाबरण गर्दे मन्थली नगरपालिकाका प्रमुख लब श्रेष्ठले रामेछाप जिल्लामा राजनीतिक पार्टीहरुमा महिला नेतृत्वको अभाव भइरहेको बेला संविधानसभा सदस्य समेत बनेकी सुवेदीले एमाले पार्टिमा रहेर पुर्याएको योगदान अतुलनिय रहेको भन्दै कमला सुवैदीले राजनितिक र सामाजिक रुपमा पुर्याएको योगदानकै कारण मन्थली नगरले सालिक निर्माणमा सहयोग गरेको बताए ।
पंण्डित गणेश प्रसाद घिमिरे र माताजीको दोस्रो सन्तानका रुपमा रामेछाप नगरपालीका ८ को बावियाखर्कमा जन्मीएकी सुवेदी सानै उमेर देखि तिछण स्वभाबकि, निडर र सामाजसेवी भएकिले पनि उनि कम उमेरमै राजनितिक यात्राको सफल सिंढि चढ्न सफल भएको कार्यक्रमका अध्यक्ष एबै उनका काका उपेन्द्र राज घिमिरेले बताए ।स्वर्गीय सुवेदीको २०७६ सला कार्तिक ९ गते ब्रेन टयुमरका कारण काठमाडौमा निधन भएको थियो । एमाले भित्र तत्कालीन माधब नेपाल निकट भनेर चिनिने सुवेदीका एक छोरा र एक छोरी रहेका छन ।
सालिक अनाबरण कार्यक्रमम नेकपा एमालेका जिल्ला अध्यक्ष आनन्द श्रेष्ठ उप मेयर ईश्वरी बस्नेत मन्थली १ ,२ ,३ र ५का वडाध्यक्ष तथा शुभचिन्तक र आफन्तहरु समेत सहभागि भएका थिए । सालिक निर्माणको लागि मन्थली नगरपालिकाले १५ लाख ३१ ह्जार रुपैयाँ उपलब्ध गराएको थियो ।
यो बारेमा तपाईको प्रतिकृया