रामेछाप,११ माघ । रामेछाप जिल्लामा रहेको एकमात्र संस्कृत माध्यामिक विद्यालयमा अध्ययनरत विपन्न विद्यार्थीहरुले झोला पाएका छन् भने उनीहरुका अभिभावकहरुले स्लिपिङ ब्याग पाएका छन् ।
बुधवार रामेछाप नगरपालिकाको वडा नं–८ वावियाखर्कमा रहेको शारदा संस्कृत माध्यामिक विद्यालयमा अष्ट्रियाको फ्रि जी लाईट नन्प्रोफिट नामक संस्थाले उक्त सामाग्री बितरण गरेको हो ।
शैक्षिक क्षेत्र सुधारका लागि बिभिन्न कार्यक्रमहरु गर्दै आएको उक्त संस्थाले बिद्यालय सामाग्रीको अभावमा कुनै पनि वालवालिकाहरुले बिद्यालय जानवाट वञ्चित हुनु नपरोस र अभिभावकहरुमा पनि आफ्ना वालवालिकाहरुलाई बिद्यालय पठाउन उत्प्रेरणा मिलोस भन्दै वालवालिकाहरुलाइ झोला र अभिभावकहरुलाई स्लिपिङ ब्याग वितरण गरिएको हो ।
रामेछाप नगरपालिका वडा नं–८ का वडा अध्यक्ष सन्तोष तामाङको प्रमुख आतिथ्ता र विद्यालय ब्यबस्थापन समितिका अध्यक्ष शिव प्रसाद घिमिरेको अध्यक्षतामा भएको उक्त कार्यक्रमका अबसरमा कक्षा ५ सम्म अध्ययनरत विपन्न वाल वालिकाका र अभिभाबकहरु लाई ति सामाग्रीहरु बितरण गरिएको थियो ।
कार्यत्रमका अबसरमा बोल्दै सो विद्यालयका प्रधानाध्यापक नारायण प्रसाद घिमिरेले उक्त सहयोगी संस्थाले आफ्नो विद्यालयमा अध्ययनरत वालवालिका र तिनका अभिभावकहरुका लागि गरेको सहयोग प्रति मुक्त कण्ठले प्रशंसा गर्नुभयो ।
यो बारेमा तपाईको प्रतिकृया