२९ भदौ, २०७६
मन्थली- जिल्लाको सदरमुकाम मन्थलीमा रहेर आफ्नो सेवा संचालन गरीरहेको मन्थली बचत तथा ऋण सहकारी संस्थाले गत आर्थिक बर्ष २०७५÷७६ मा १ करोड ३० लाख २३ हजार ८ सय त्रीसठ्ठी रुपैयाँ नाफा कमाउन सफल भएको छ। आर्थिक बर्षको असार समासन्त सम्ममा संस्थामा रहेका १२ हजार आठ सय शेयर सदस्यहरुबाट प्राप्त निक्षेपलाई ऋण लगानी गरी उक्त रकम नाफा कमाएको हो ।
शनिबार मन्थलीमा सम्पन्न सहकारीको २२ औं साधारण सभामा संस्थाका कोषाध्यक्ष टिका प्रसाद भट्टले संस्थाको आय–ब्यय विवरण प्रस्तुत गर्दै गत बर्ष सम्मको कुल सम्पत्ति ८० करोड ४० लाख ७१ हजार १ सय दुइ रुपैयाँ रहेको बताउनुभयो । त्यस्तै ५८ करोड ३९ लाख ७ हजार ३ सय सैतीस रुपैयाँ ऋण लगानी, ६२ करोड ७९ लाख ४४ हजार १ सय चवालीस रुपैयाँ बचत संकलन भएको र ७ करोड १ लाख १९ हजार रुपैया शेयर पुँजी रहेको कोषाध्यक्ष भट्टले जानकारी गराउनु भएको छ ।
कार्यक्रममा संस्थाका सचिब गोबिन्द प्रसाद घिमिरेले २२ बर्ष अघि तामाकोशी सेवा समितिका ११ जना कर्मचारी र स्वयमसेवकहरुबाट संकलन गरिएको ११ हजार पुँजीबाट सुरुवात गरिएको मन्थली बचत गत बर्षमा राष्ट्रिय सहकारी दिवसमा राष्ट्रिय सहकारी महासंघबाट ३ नम्बर प्रदेशको उत्कृष्ठ सहकारी ब्यवसायबाट पुरस्कृत भएको र भारतको हिमाञ्चल प्रदेश अन्तर्गत रहेको सहकारीबाट आफू पनि अन्तराष्ट्रिय सहकारी पुरस्कार प्राप्त सफल भएको बताउनुभयो ।
संस्थाका अध्यक्ष ध्रुब प्रसाद सुबेदीको अध्यक्षतामा सम्पन्न उक्त कार्यक्रमको उद्घाटन मन्थली नगरपालिकाका नगर प्रमुख रमेश कुुमार बस्नेतले गर्नुभएको थियो । उद्घाटन सत्रमा बोल्दै प्रमुख बस्नेतले नगरपालिका भित्र रहेका तर झोलामा कार्यालय राखेर ऐन नियम बिपरित काम गर्ने सहकारीलाई कारबाही गर्ने चेतावनी दिनुभएको छ । उहाँले नगरपालिका भित्र रहेका साना ससहकारी संस्थाहरुलाई ठुला सहकारीहरुसँग एकीकरण गरेर अगाडी बढ्ने योजनामा नगरपालिका रहेको बताउनुभयो ।
साधारणसभाले कार्यकाल सकिएका अध्यक्ष धु्रब प्रसाद सुबेदी, उपाध्यक्ष रामचन्द्र बियोगी, सदस्य नानी मैया माझी र लेखा तथा सुपरीबेक्षण समितिका सदस्य कृष्ण बहादुर बस्नेतलाई पुनः सोहि पदहरुमानै निर्बाचित गरेको छ ।
यो बारेमा तपाईको प्रतिकृया