रामेछाप, १७ माघ । रामेछाप महिला उद्यमी संघ रामेछापको मन्थलीमा सम्पन्न प्रथम वार्षिक साधारण सभा एबं जिल्ला अधिवेशनले अपना श्रेष्ठको अध्यक्षतामा ११ सदस्सिय महिला उद्यमी संघको कार्यसमिति निर्विरोध गठन गरेको छ ।
यसरी नवगठित समितिमा रहेनेहरुमा उपाध्यक्ष, महासचिव, सचिव र कोषाध्यक्ष मा क्रमशः इन्दिरा कुमारी बख्रेल, सरस्वती बराल, मञ्जु घिमिरे, मेनुका महत (खड्का), रहनु भएको छ भने सदस्यहरुमा तारादेवी थपा, तारादेवी भण्डारी,रीता आचार्य (ढुंङ्गेल), डम्वर कुमारी भण्डारी विमला थापा र रमिता कोइराला रहनु भएको छ ।
रामेछाप महिला उद्यमी संघकी अध्यक्ष सुमिका श्रेष्ठको अध्यक्षतामा सम्पन्न उक्त कार्यक्रमको उद्घाटन मन्थली नगरपालिकाका नगर प्रमुख रमेश कुमार वस्नेतले गर्नुभएको थियो ।
सो अवसरमा वोल्दै नगर प्रमुख बस्नेतले उद्यम गर्ने मन्थली नगर क्षेत्रका जुनसुकै महिला लाई पनि नगरपालिकाले सहयोग गर्ने वताउनुभयो । उहाले उद्यम गर्ने महिलाहरुलाई न्यून व्याजदरमा कर्जा प्रवाह गर्ने कार्यक्रम समेत सरकारले ल्याएको वताउनुभयो ।
उहाले महिला हरुको नामवाट उद्योगधन्दा कल कारखाना दर्ता गर्ने लाई विषेश प्राथमिकतामा राख्ने वताउदै उद्यमी महिलाहरुको सिप विकास र नेतृत्व विकासमा नगरपालिकाले पूर्ण रुपमा सहयोग गर्ने बताउनुभयो ।
कार्यक्रमका अवसरमा उद्योग बाणिज्य संघ बगमति प्रदेश सदस्य श्याम थापा, जिल्ला अध्यक्ष केशव प्रसाद घिमिरे, महिला उद्यमी संघ काभ्रेकी अध्यक्ष लक्ष्मी खनाल, नेपाल पत्रकार महासंघकी सदस्य ज्ञानु श्रेष्ठ लगाएतले मन्तब्य राखेका थिए ।
यो बारेमा तपाईको प्रतिकृया