माघ २० माघ, रामेछाप । खाँडादेवी गाउँपालीकाले आजबाट राष्ट्रपति रनिङ शिल्ड प्रतियोगिता संचालन गर्ने भएको छ । उसले पालिका भरिका १३ विद्यालयका विद्यार्थिहरुलाई विभिन्न खेल विधामा प्रतिस्पर्धा गराएर कार्यक्रम गर्न लागेको हो ।
शुक्रबार,शनिबार र आईतबार गरि तीन दिन सम्म संचालन हुने उक्त पतियोगिताका उद्घाटन पालिकाका प्रमुख ज्ञान कुमार श्रेष्ठ र समापन कार्यक्रममा पुर्व बागमति प्रदेशका आर्थिक मामिला मन्त्री एबं एमाले नेता कैलाश ढुँगेलले सहभागि हुने कार्यक्रम रहेको गाउँपालिकाले जनाएको छ । जिल्लाका अधिकांश स्थानीय तहहरुले तिनका विद्यालयहरूमा खेलकुद सप्ताह संचालन भई रहेको बेला खाँडादेवीले पनि प्रतियोगित सुरु गर्नलागेको हो ।
विद्यार्थीलाई खेलकुद मार्फत स्वस्थ र अनुशासित बनाउने मुख्य उदेश्यका साथ गर्न लागेको कार्यक्रमका लागि पालिका भित्रका १३ माविका खेलाडीहरु पालिका आईसकेको जानकारी पालिकाका अध्यक्ष ज्ञान कुमार श्रेष्ठले गराउनु भयो ।
खाँडादेवी गाउँपालिकाको प्रायोजन, पालिकाकै शिक्षा शाखाको व्यवस्थापन र पालिका खेलकुद विकास समितिको आयोजनामा हुन लागेको प्रतियोगितामा कबड्डी, एथलेटिक्स, ज्याब्लीङ थ्रो, सट–पुट र भलिबल लगाएतको खेल संचालन गर्नका लागि पालिकाले वडा नं ६को माकादुममा करिब १ करोडको लागतमा खेल मैदान समेत तयार पारेको छ । विगतका वर्षमा खेलमैदान अभावमा पर्याप्त खेलकुदका कार्यक्रम हुन नसकेको खाँडादेवीमा निर्मित खेल मैदानले आगामि दिनमा सबै खेलका लागि सहज बातावरण तयार गरेको पालिकाका अध्यक्ष ज्ञानकुमार श्रेष्ठले बताउनु भयो ।
यो बारेमा तपाईको प्रतिकृया