जिल्ला समन्वय प्रमुखद्धारा वन हार्टको काम अनुगमन

रामेछाप २४ माघ । आमा तथा शिशुको स्वास्थ्यका लागि जिल्लामा काम गर्दे आएको “वान हर्ट वल्ड वाईड” कार्यकमको जिल्ला समन्वय समिति रामेछापकि प्रमुख चिना खड्का कार्किले अनुगमन गर्नु भएको छ । जिल्लाबाट बर्हिरगमन हुन क्रममा रहेको बेला जिल्ला समन्वय प्रमुखले परियोजनाको कार्यक्रम र त्यसको अबस्थाका बारेमा सोमबार अनुगमन गर्नु भएको हो ।
सन् २०१९देखि सन् २०२२ सम्म जिल्लाका सवै स्वास्थ्य संस्थाहरुमा सेवा लिन आउने आमा तथा शिशुहरुका लागि गुणस्तरिय र भरपर्दाे उपचार र स्वास्थ्यकर्मिहरुका लागि क्षमता विकासको काम गर्दे आएको परियोजनाको कामका बारेमा स्थलगत जानकारी लिन समन्वय प्रमुखको टोलि गाउँ पुगेको थियो ।
उक्त परियोजनाले दुर्गम गाउँहरुका सुत्केरी आमा तथा नबजात शिशुहरुलाई कम क्षमता भएका स्वास्थ्यकर्मिहरुले सुत्केरि गराउँदा पर्ने सक्ने असरबाट जोगाउन गुणस्तरिय सामाग्रीको प्रयोग र सेवालाई गुणस्तरिय बनाउन जिल्लाभरका स्वास्थ्य संस्थाहरुलाई स्थानिय मागका आधारमा सहयोग गर्दे आएको छ ।
जस अन्र्तगत परियोजनाले रामेछाप नगरपालिका १ को गोठगाउँ स्वास्थ्य चौकि,दोरम्बा शैलुङ्ग गाउँपालिकाको टोकरपुर स्वास्थय चौकि र सुनापति ३ हिलेदेवीको स्वास्थ्य चौकिका लागि भने स्थानिय सरकार संगको साझेदारिमा लाखौको लागतमा भवन निर्माण समेत गरिदिएको छ । त्यो संगै स्वास्थ्य संस्था संचालक समितिको गठन र समितिको सिफारिसका आधारमा आवश्यक सामाग्रि गराउँदै आएको छ ।
स्थलगत अनुगमनका क्रममा पुग्नु भएकि समन्वय प्रमुखले वन हर्ट वान वाईडले गरेको काम र त्यसबाट नागरिकहरुमा पुगेको फाईदाका बारेमा पनि जानकारि लिनु भएको थियो । वन हार्टले अत्याधुनिक र गुणस्तरिय सेवा संचालनका लागि सहयोग गरेपछि स्वास्थ्य संस्थामा सेवा लिन आउने आमा तथा शिशुहरुका लागि निकै सहज भएको स्थानिय सरोकारवाला हरुले बताएका छन् ।
त्यस बाहेक बाँकि पालिकाका सबै स्वास्थ्य संस्थाहरुबाट गुणस्तरिय सेवा दिनका लागि उक्त समयमा प्रयोग गरिने उपकरण र सामाग्रि आधुनिक र गुणस्तरिय सेवा प्रवाह पछि सुुत्केरी आमा र बच्चाहरुका लागि निकै सहज भएको टोकरपुरका वडा अध्यक्ष सन्तलाल थापाले जानकारी दिनु भयो । उहाँले वन हर्टको कार्यक्रम गाउँका नबजात शिशु र सुत्केरी आमाहरुका लागि निकै लाभदायक भएको पनि जानकारी दिनु भयो ।
त्यो संग क्षमता विकास भएका र तालिम प्राप्त स्वास्थ्यकर्मिहरुले सुरक्षित सुत्केरि गराउँदा आमा र नबजात शिशुको स्वास्थ्यमा समेत सहयोग पुगेको हिलेदेवी स्वास्थ्य चौकिकी ईन्चार्ज चिनीमायाँ बलले बताउनु भयो । उहाँले भन्नु भयो वान हार्टको कार्यक्रम लागु भएपछि स्वास्थय संस्थामा सेवा लिन आउने सुन्त्केरी आमा र नबजात शिशुको स्वास्थ्यमा निकै सहयोग पुगेको छ ।
वन हार्टले स्थानिय सरकार संगको सहकार्य अनुमति र संचालक समितिको सिफारिसका आधारमा सुत्केरी बेलामा दिईने सेवा, उपयोग गरिने सामाग्रि तथा उपकरण अत्याधुनिक र क्षमता विकास सम्बन्धि तालिम जिल्ला भरिनै प्रदान गर्दै आएको कार्यक्रमका कोअर्डिनेटर राजेश लोहनीले बताउनु भयो ।
वन हार्टले गरेको कामका बारेमा सार्वजनिक फोरममा कुरा उठेपछि उसले गरेको काम र अबस्थाका बारेमा स्थलगत जानकारी लिनका लागि आफु स्थलगत अनुगमनमा पुगेको समन्वय प्रमुख चिना कार्किले बताउनु भयो । सो क्रममा आफुले वडाध्यक्ष,संचालक समिति स्थानिय राजनितिक दलका प्रतिनिधि,नागरिक अगुवा र कर्मचारिहरु समेतलाई राखेर छलफल गराएको जानकारी पनि प्रमुख कार्किले गराउनु भयो ।