रामेछाप २८ माघ । तीन देखि सदरमुकाम मन्थलीमा संचालन भएको मन्थली नगर स्तरिया पाँचौँ राष्ट्रपति रनिङ शिल्ड प्रतियोगिताको उपाधि पुनः मन्थली माविले चुमेको छ । विगत बर्षहरुमा जस्तै यस वर्ष पनि मन्थली माविले सहभागि सबै २२ विद्यालयहरुलाई उछिन्दै उपाधि जित्न सफल भएको भए पनि यो वर्ष मन्थली माविले गत वर्षको तुलनामा स्वर्ण पदक भने कम हात पार्दै लगातारको वर्चस्वलाई कायम राख्न सफल भएको हो ।
जस अन्र्तगत उसले विभिन्न खेल विधामा गरि २१ वटा स्वर्ण, १४ रजत र १८ वटा कास्य पदक हात पार्दै प्रथम हुन सफल भएको नगर शिक्षा शाखाले जनाएको छ । विभिन्न खेल विधामा उत्कृष्टता प्रर्दशन गरेको मन्थली माविले नगद २० हजार रुपैयाँ सहित राष्ट्रपति शिल्ड, ट्रफि, मेडल र प्रमाणपत्र समेत प्राप्त गर्न सफल भएको छ ।
त्यसैगरि निजी क्षेत्रको विद्यालय तामाकोशी बोर्डिङ स्कुल प्रतियोगितामा द्धितिय स्थान लिन सफल भएको छ । उसले विभिन्न खेल विधामा गरि ९ वटा स्वर्ण, १३ वटा रजत र १२ वटा कास्य पदक जित्दै दोस्रो बनेको हो । दोस्रो स्थान जित्न सफल उसले नगद १५ हजार सहित ट्रफि, मेडल र प्रमाणपत्र जित्न सफल भएको जानकारी आयोजकले गराएको छ ।
उक्त प्रतियोगितामा मन्थली नगरपालिका ७ मुगिटारमा रहेको रुद्रक्षेश्वार माविले तृतिय स्थान प्राप्त गरेको छ । उसले नगद १५ हजार सहित ट्रफि, मेडल र प्रमाणपत्र प्राप्त गरेको छ । जस अन्र्तगत विभिन्न खेल विधामा गरि ६ वटा स्वर्ण, ७ रजत र ५वटा कास्य पदक जितेको छ । ५० वटा स्वर्ण पदको लागि नगरपालिका भित्रका २२ वटा माध्यमिक विद्यालयहरूले भलिबल, ऐथ्लेटिक्स, कबडी, तेक्वान्दो, उसु र कराते लगाएतका खेल विधामा सहभागिता जनाएका थिए ।
मन्थली नगरपालिकाले आयोजना गरेको नगर स्तरीय रनिङ शिल्डका विजेता विद्यालय र विजयी खेलाडीहरुलाई सिल्ड मेडल र नगद पुरस्कार कार्यक्रमका प्रमुख अतिथि एबै मन्थली नगरिपालिकाका प्रमुख लब श्रेष्ठले गर्नु भएको थियो । कार्यक्रमलाई सम्बोधन गर्दै नगर प्रमुख श्रेष्ठले नगर भित्र रहेका सबे विद्यालयलाई शिक्षा संगै खेल क्षेत्रमा पनि अब्बल बनाउन सकियोस भनेर नगरपालिकाले समय समयमा विभिन्न खेल संचालन गर्दे आएको र सोहि अभियानलाई सार्थक बनाउन कार्यक्रमको आयोजना गरिएको भन्दै सहभागि सबै विद्यालय र विजयी खेलाडीहरुलाई बधाई पनि दिनु भएको थियो ।
यो बारेमा तपाईको प्रतिकृया