गोकुलगंगामा राष्ट्रपति चल्दै

रामेछाप । जिल्लाको गोकुलगंगा गाउँपालिकामा तेश्रो राष्ट्रपति रनिङशिल्ड प्रतियोगिता चलिरहेको छ । पालिका भरिका सबै विद्यालयहरुलाई खेलकुदको क्षेत्रमा प्रतिस्पर्धा गराएर पुरस्कृत समेत गर्ने तयारीका साथ पालिकाले जट्टेश्वर मावि चुचुरेको प्राङ्णमा विहिार देखि उक्त प्रतियोगिता सुरु गरेको हो ।
बागमति प्रदेश सभा सदस्य तारानारायण श्रेष्ठले उक्त प्रतियोगिताको एक समारोहका विच विहिबार उद्घाटन गर्नु भएको छ । आफनो उद्घाटन् मन्त्ब्यका क्रममा सांसद श्रेष्ठले पालिकाको खेल र खेलाडीहरुको विकासका लागी आफु जुनसुकै सहयोग गर्न पनि पछि नपर्ने बताउनुभयो । प्राप्त पुरस्कार र सिल्डले ,विद्यार्थिहरुमा खेलप्रतीको हौसलासँगै उनिहरुमा प्रतिस्पर्धाको भावना जागृत गराउने भन्दै यसका लागि पालिकाले संचालन गरेको रास्ट्रपति रनिङ शिल्ड प्रतियोगिता विद्यार्थिहरुको खेल र स्वास्थ्यका लागि समेत महत्वपूर्ण हुने भएकोले पनि यसको विकास आबश्यक रहेको बताउनुभयो ।

कार्यक्रममा रामेछाप नगरपालिकाका प्रमुख लब श्री न्यौपानेले खेलको माध्यमबाट नैतिक अनुशासनका साथै व्यक्तित्व विकास , आर्थिक विकास र राष्ट्रिय अन्तराष्ट्रिय रुपमा नाम राख्न सकिने भएकाले पनि खेल क्षेत्रको विकासका लागि स्थानिय सरकारले योगदान गर्नू पर्ने बताउनु भयो ।
गोकुलगंगा गाउँपालिकाका अध्यक्ष काजिवहादुर खड्काको अध्यक्षतामा भएको उक्त कार्यक्रमका अबसरमा उहाँले रनिङ शिल्ड प्रतियोगिताले विद्यालय तहमा हुने खेलको विकास मात्र नभै प्रतिभा पहिचान र विकासमा समेत सहयोग पुग्ने भएकोले पनि हरेक बर्ष पालिकाले प्रतियोगिता गर्दे आएको वताउनु भएको थियो । तीन दिन सम्म संचालन हुने उक्त खेल प्रतियोगिताका लागि पालिका भरीका सबै माध्यमिक विद्यालयहरुले सहभागीता जनाएका छन । प्रतियोगितामा विद्यालयले भलिबल,कबड्डी,सर्टफुट,दौड,ज्याबलिङ थ्रो लगायतका एक दर्जन खेलहरु खेलाईने छ । विजयी खेलाडी र विद्यालयहरुका लागि सिल्ड मेडल प्रमाण पत्र र नगद पुरस्कार समेत प्रदान गरिने पालिकाका प्रमुख प्रशासकिय अधिकृत होम बहादुर थापाले जानकारी दिनु भयो ।