रामेछाप । १९ सौ धान दीवस रामेछापमा पनि विभिन्न ठाउँमा मनाईएका छन् । विगतमा सुख्खा मौसममा पर्ने उक्त दीवसका दिन आज पानी पनि परेकोले यसलाई सबैले दहि चिउरा खाने दिन तथा धान दिवसका रुपमा पनि मनाए । सो अवसरमा खाँडादेवी गाउँपालिका ४ को माडि मुहान मन्थली ११ को नाटिला बेसि र मन्थली नगरपालिका १ सानिमदौको रामेछाप बहु प्राविधिक शिक्षालयमा छुट्टा छुट्टै कार्यक्रमका विच रोपाई गरेर दहि चिउरा खाने कार्यक्रमको आयोजना गरिएको हो ।
खांडादेवि गाउँपालिकाको माढिमुहानमा कृषि ज्ञान केन्द्रले आयोजना गरेको कार्यक्रममा जिल्ला समन्वय समितिका उप प्रमुख प्रेमसागर थापा प्रमुख अतिथि र गाउंपालिकाका अध्यक्ष ज्ञानकुमार श्रेष्ठ लगाएतका ब्यक्तिहरु सहभागि भएका थिए ।
यसैगरी मन्थली नगरपालिका ११ मा मन्थली नगरपालिकाले आयोजना गरेको रोपाई कार्यक्रममा नगर प्रमुख लब श्रेष्ठ र मन्थली ११ का वडा अध्यक्ष भिम बहादुर थापा मगर, नगरपालिकाका कर्मचारी हरुको समेत सहभागिता रहेको थियो ।त्यस्तै जिल्ला सदरमुकाम मन्थलीको रामेछाप बहु प्राविधिक शिक्षालयले आयोजना गरेको कार्यक्रममा प्रमुख जिल्ला अधिकारी दिपककुमार पहाडि को प्रमुख आतिथ्यतामा कार्यक्रम भएको थियो ।
सबै कार्यक्रममा दहि च्युरा खाने परंपरालाई पनि निरन्तरता दिएको थियो । रोपाई कार्यक्रमका अबसरमा सहभागि अतिथिहरुले धान दीवसको महत्वका बारेमा प्रकाश पार्दे धानको उत्पादन बृद्धिका लागि सबैको सहकार्य आबश्यक रहेको बताएका थिए ।सहभागिले परम्परागत शैलीमा धान रोपाईमा सरिक भएका थिए । सबै कार्यक्रमका सहभागि हरु एकअर्का विच मैत्रीपुर्ण रुपमा हिलो छ्यापाछ्याप गरेर रोपाई लाई मनोरन्जन पुर्ण बनाएका थिए ।
यो बारेमा तपाईको प्रतिकृया