किसानको सम्मान नगर्नै कसैको पनि हित हुदैन ः रामेछाप नगर प्रमुख

रामेछाप २८ असार । रामेछाप नगरपालीकाका प्रमुख लबश्री न्यौपानेले किसानको सम्मान नभए सम्म नगरको सम्बृद्धि असम्भब रहेको बताएका छन् । त्यसका लागि सबैलाई किसान संग सम्मानित ब्यवहार गर्न पनि आग्रह गरे । सो कुरा उनले नगरपालिकाले सोमबार नगर भित्रका बिभिन्न विधामा उत्कृष्टता हाँसिल कृषकहरुलाई सम्मान कार्यक्रमका अबसरमा बताएका हुन् ।
नगरपालिकाले एक समारोहका विच नगरभरीका ९ वटै वडामा रहेर तरकारी ,फलफुल मसलाजन्य खेति बाख्रापालन,पशुपन्छि पालन लगायतका ३० जना उत्कृष्ट कृषकलाई सम्मान पत्र, नगद २० हजार र दोसल्ला सहित सम्मान गरेको हो । कृषि र पशुपालन व्यवसायमा आबद्ध भएर उत्कृष्ट काम गरेका कृषक हरुलाई वडा कार्यालयले गरेको सिफारिसका आधारमा रामेछाप नगरपालिका कृषि शाखाको समन्वययमा सम्मान गरिएको कृषि शाखाका प्रमु्ख कृष्ण भुजेलले जानकारी दिए
नगरपालिकाले उत्कृष्ट कृषक छनोट गरेर सम्मान गरेको भन्दै कुषक हरुले खुसि ब्यक्त गरेका थिए । सम्मानित सबै कृषकहरुले नगरले गरेको सम्मानबाट आफुहरुलाई भावि दिनमा पनि कृषि र पशुपालनमा लाग्ने थप प्रेरणा मिलेको भन्दै नगरपालीकालाई धन्यबाद दिएका थिए । उनिहरुलाई रामेछाप नगरपालिकाका प्रमुख लवश्री न्यौपाने,उपप्रमुख बाल कुमारी कार्की र प्रमुख प्रशासकिय अधिकृत रामचन्द्र लामगादेले संयुक्त रुपमा खादा तथा सम्मानपत्र र २० हजार रुपैयाँको चेक हस्तान्तरण गरेका थिए ।