रामेछाप २८ असार । रामेछाप नगरपालिकाले चालु आबमा भएको विकास निर्माण र सबै खाले गतिविधिका बारेमा सार्बजनिक सुनुवाई गरेको छ । उसले नगर प्रमुख,प्रशासकिय अधिकृत र सबै वडाअध्यक्षहरुलाई जवाफदेहि बक्ताको रुपमा राखेर नगरको चालु आर्थिक बर्ष २०७८÷०७९ मा संचालित विकास आयोजना तथा कार्यक्रमहरुको प्रभावकारीता तथा सेवा प्रवाहको अबस्थाका बारेमा सार्वजनिक सुनुवाई कार्यक्रम गरेको हो ।
कार्यक्रमको आरम्भमा नगरपालिकाका सुचना अधिकारी होम बहादुर थापाले एक वर्षमा नगरले गरेको समग्र प्रगति प्रतिवेदनको सार पढेर सुनाएका थिए । जस अनुसार खानेपानी तथा सरसफाइ, पशु सेवा शाखा, प्राविधिक शाखा, सडक निर्माण, खानेपानी निर्माण, सिचाइ निर्माण, राजश्व संकलन, महिला बालबालिका तथा जेष्ठ नागरिक शाखा, प्रधानमन्त्री रोजगार कार्यक्रम, न्यायिक समितिको प्रगति र मेडपा लघुउधम बिकासमा भएको प्रगति प्रतिवेदनका बारेमा पनि प्रतिबेदन मार्फत प्रस्तुत गरेका थिए ।
त्यसैगरि उनले आर्थिक बर्ष २०७८÷०७९ मा नगरपालिका मार्फत स्वास्थ्य,पूर्वधार विकास,कृषि विकास, सामाजिक सुरक्षा तथा पन्जिकरण कार्यक्रमको प्रगति, शिक्षा युवा तथा खेलकुद शाखा, सुचना प्रविधि,का बारेमा पनि जानकारी गराएका थिए ।
सार्वजनिक सुनुवाई प्रगति प्रतिवेदन सुनेपछि सहभागी नागरीकहरुले शिक्षा,स्वास्थ्य,कृषि,सडक,पशुपालन,सिप मुलक तालिम लागयत नगरपालिको विकास सँग जोडिएका विभिन्न विषयवस्तुरुका बारेमा पनि प्रश्न गरेका थिए । नागरीकहरुले सोधेको प्रश्नको जवाफ र नगरपालिकाका प्रमुख लवश्री न्यौपाने,प्रमुख प्रशासकिय अधिकृत रामचन्द्र लामगादे र सम्बन्धित वडाका वडाअध्यक्षहरुले दिएका थिए । उनिहरुले नगरमा भए गरेका काम र तिनको प्रगतिका बारेमा पनि जानकारी गराएका थिए ।
सार्वजनिक सुनुवाइ कार्यक्रममा नेपाली काँग्रेसका नगर सभापति कमल विक्रम कार्कि,नेकपा एमालेका नगर सचिव माधब ढकाल, नेकपा माओवादी केन्द्रका अध्यक्ष मोतिलाल तामाङ्ग,नेपाल पत्रकार महासंघका जिल्ला अध्यक्ष बद्री नयाँघरे लगायतले पनि मन्तब्य मार्फत नगरका सुधारको पक्षमा कुरा राखेका थिए ।
यो बारेमा तपाईको प्रतिकृया