रामेछाप २४ साउन — मन्थली नगरपालिका १ मा बस्दै आएका ध्रुब बुढाथोकिले आफनी २१ वर्षीया छोरी ज्योति बुढाथोकीको उपचारका लागी आफनो सबै जायजेथा सकेका छन् । छोरीको उपचारका लागि करीब ५० लाख बराबरको सम्पति सकेका बुढाथोकी अब छोरीको उपचार गर्न सक्ने अबस्थामा छैनन् । सानै उमेरदेखि गोडामा र मेरुदण्डमा समस्या भएका कारण ज्योतिको उपचारका लागि बाबु ध्रुवले धेरै सम्पति पनि सकेका छन् ।
पढाईमा पनि अब्बल र विशेष क्षमता भएका कारण उनले छोरीको उपचारमा सानै देखि कुनै कमि हुन दिएनन् । आफनो जेथोनै बेचेर पनि उपचारका लागि उनले छोरीलाई नेपालका ठुला सबै अस्पताल मात्र पुर्याएनन् । उनले चिकित्सकको सल्लाह अनुसार भारतको ठुला अस्पताल पनि पुर्याए । तर उपचारको क्रममा अस्पतालले छारीको खुट्टा पनि काटिदिएको छ । उपचारारार्थ बुढाथोकीलाई चिकित्सा क्षेत्रमा अति नै दुर्लभ मानिने सिस्टेमिक स्क्लेरोसिस भन्ने घातक रोग लागेको छ । त्यो यही रोग हो, जसका कारण १७ वर्षअघि उनको बी एन्ड बी अस्पतालमा खुट्टाको औंला काटिएको थियो । औंला काटेर समस्या सकिएन, रोग फैलियो र अहिले घुँडामुनिको भाग काट्नु परेको छ । एउटा खुट्टा काटेर पनि बुढाथोकी संघर्षपूर्ण जीवन जिउन चाहन्छिन्, तर जीवनभर औषधि गर्नुपर्ने अवस्था भएकाले उनक पीताका लागि उपचार कसरी सम्भब होला भन्ने कुराले रात दिन सताउन थालेको छ ।
उपचारका क्रममा छोरीको घुँडा सम्मको भाग काट्नु परेपछि पिरलोमा परेका बुढाथोकि यतिबेला कसैले सहयोग गरि दिए आफनी छौरी बाँच्ने थिईकि भन्ने सोचमा छन् । आफनो सबै उपाए सकिएकाले अरुको सहयोगबिना छोरीको उपचार असम्भव रहेको बताउँछन् । ‘मेरो केही उपाय छैन,’ बुढाथोकीले भने, उपचार भैरहेको धुलिखेल ‘अस्पतालमा मात्र ५ लाख रुपैयाँ बराबर तिर्न बाँकी छ, जुन तिर्नका लागि म बाट कुनै पनि सम्भाबनानै छैन् । त्यसकालागि उनले सहयोगी मनहरु संग आग्रह पनि गरेका छन् । ३ सन्तान मध्य सबै भन्दा अब्बल क्षमताकी छोरी ज्योति रोगले थलिएपछि उनको परिवार पिडा र ऋणले उठ्न नसक्ने अबस्थामा पुगेको छ ।
मुल घर ओखलढुँगा भएपनि मन्थलीमा घडि रेडियोको मध्यमखालको पसल गरेर बसेका बुढाथोकिको अबस्था केहि बर्ष अघि सम्म त निकै राम्रो थियो । जसका कारण उनले मन्थलीमा सामाजीक विकासमा पनि निकै सहयोग पुर्याउदै पनि आएका थिए । धार्मिक क्षेत्रमा पनि निकै बिश्वास राख्ने बुढाथोकि परिवारको गाउँमा रहेको घरबारी छोरीको उपचारकै क्रममा बैकबाट क्रण लिएकोले बैंकमा लिलाम हुने अवस्थामा पुगिसकेको छ । परिवारका लागि सबै चिज छाडेर पनि ज्योतिको जीवनरक्षा गर्ने कुरा महत्वपूर्ण थियो,। त्यसैले व्यापारबाट पनि उनि अलग्गिए । उनि संग अब कुनै उपायनै बाँकी छैन । तर छोरी झनझन थलिँदै गएकीले परिवारका लागि झनै तनाब थपिएको छ ।
धुलिखेल अस्पतालका अनुसार खुट्टा काटेको भएपनि उक्त रोगले शरिरका हरेक अंगमा आक्रमण गर्ने भएकाले त्यसका लागि नियमित उपचार आबश्यक पर्दछ । अस्पतालले भने जस्तै ज्योतिको पछिल्लो अवधिमा मेरुदण्ड र मुटुमा समेत संक्रमण देखिएको छ ।
बुढाथोकि परिवारलाई राम्ररी बुझेका मन्थली बजार र बाहिरका केहि सहयोगि मनहरुले पनि बेला बेलामा ज्योतिको शुस्वास्थ्यको कामना सहितको ऐच्छिक सहयोग पनि गर्दे आएका छन् । तर उपचार विधि र प्रणाली मंहगो भएकोले त्यस खालाका सहयोगले मात्र बुढाथोकि परिवारलाई उपचारमा धान्न नसक्ने अबस्था सृजना भए पछि उक्त परिवार अहिले पनि अन्योलको अबस्थामा छ । त्यसका लागि परिवारले सबै खाले सहयोगि मनहरु संगै सहयोगको अपेक्षा पनि गरेको छ ।
यो बारेमा तपाईको प्रतिकृया