गेलुका पहिरो पिडितलाई मन्थली नगर प्रमुखको आर्थिक सहयोग

रामेछाप ३० साउन । मन्थली नगरपालिकका प्रमुख लब श्रेष्ठले मन्थली १२ गेलु खानडाँडा अधिकारी टोलकाका ५ घर परिवारलाई राहत स्वरुप नगद सहयोग उपलब्ध गराउनु भएको छ । पहिरोका कारण बस्तीनै जोखिममा परेका मध्य उच्चो जोखिममा रहेका ५ परिवारलाई प्रमुख श्रेष्ठले आईतबार स्थलगत रुपमा घरमै पुगेर जनहि २० हजारका दरले रु १ लाख रुपैयाँ सहयोग उपलब्ध गराउनु भएको हो ।
अविरल बर्षादले घर भन्दा माथिको जमिन धाँजा फाँटेर बस्न नहुने अबस्थामा पुगेपछि उक्त टोलको १५ घर बसोबास रहेको सिङ्गो बस्तीनै जोखिममा परेको छ । सोहि सूचनाका आधारमा स्थलगत अनुगमनमा पुग्नु भएका प्रमुख श्रेष्ठले पहिलो चरणमा ५ घरलाई सहयोग उपलल्ब्ध गराएको र बाँकि घर अन्यत्र स्थानान्तरण गर्नु पर्ने भएकोले अरुको हकमा पनि नगरले जिल्ला विपद् ब्यवस्थापन समिति संग समन्वय गरि आबश्यक प्रकृया अघि बढाउने जानकारी दिनु भएको प्रमुखका सहयोगी एबं टोलीका सदस्य ज्योति सुवेदीले जानकारी दिनु भयो । प्रमुखको टोलीमा प्रमुख प्रशासकिय अधिकृत लिला राज पौडेल र उप सचिव हेमन्त बुढाथोकि पनि सहभागि हुनु भएको थियो ।
जमिनमा धाँजा फाटेर घर माथिको जमिन सर्न थालेपछि त्यहाँको ६ परिवारलाइ भने यस अघिनै अन्यत्र सारी सकिएको छ । उनिहरुको बस्तुभाउ र खेति भने पहिरो वग्ने क्षेत्रमानै रहेकोले दिउँसोको समयमा आउनेजाने भने गरिरहेका छन् । ।
उक्त जोखिमपुर्ण बस्तिको शुक्रबार प्रमुख जिल्ला अधिकारी एवं विपत व्यवस्थापन समितिका अध्यक्ष दिपककुमार पहाडि लगाएतको टोलीले अवलोकन गरी फर्केको थियो । सो क्रममा प्रजिअले जमिनमा १ फिट सम्म चौडा धाँजा देखिएकोेले नजिकै वसोवास गर्ने परिवारलाई सुरक्षित स्थानमा अस्थायी वसोवासका गर्न निर्देशन दिनु भएको थियो । सो क्रममा प्रजिअले पनि उक्त क्षेत्रको भौगर्विक सर्बेक्षण गराई वस्ती स्थानान्तरण तर्फ आवश्यक पहल गर्ने आश्वासन दिनु भएको थियो ।
मन्थली १२ का वडा अध्यक्ष खिलेन्द्रवहादुर खत्रीले नगरपालीकाले गरेको सहयोग प्रति धन्यबाद दिंदै ,जोखिम क्ष्ँोत्रमा वसोबास गर्दे आएकाहरुलाई स्थानान्तरण गर्नुको विकल्प नरहेको भन्दै त्यसका लागि थप सहयोग आबश्यक पर्ने जानकारी पनि दिनु भयो ।