रामेछाप २१ पुस । आगामी माघ ४ देखि ७ गते सम्म सदरमुकाम मन्थलीमा वाग्मती प्रदेशस्तरीय भलिबल प्रतियोगिता संचालन हुने भएको छ । नेपाल खेलकुद महासङ्घ वाग्मती प्रदेश कमिटीकोे आयोजनामा उक्त प्रदेशस्तरीय पुरुष भलिबल प्रतियोगिता हुन लागेको हो ।
सदरमुकाम मन्थलीमा हुन लागेको उक्त प्रतियोगितामा प्रदेश भित्र रहेका १३ वटै जिल्लाको सहभागिता रहने आयोजक पक्षले जनाएको छ । ‘खेलकुद नागरिकको मौलिक अधिकार, समृद्धिका लागि जनस्वास्थ्य हाम्रो सरोकार’ भन्ने मूल नाराका साथ प्रतियोगिता आयोजना गर्न लागिएको उक्त प्रतियोगिताको लागि सबै जिल्ला संग समन्वय भै बाँकि काम अघि बढिरहेको महासङ्घका बाग्मती प्रदेश अध्यक्ष सीताराम कार्कीले जानकारी दिनुभयो ।
उक्त प्रतियोगितामा प्रथम हुने टोलीले रु दुई लाख, शिल्ड, मेडल र प्रमाणपत्र पाउनेछ । त्यस्तै द्वितीय, तृतीय र चौथो हुनेले विजयी खेलाडिहरुलाई क्रमशः रु एक लाख, ५० हजार र रु ३० हजार रुपैयाँ नगद पुरस्कार तथा शिल्ड, मेडल र प्रमाण पत्र उपलब्ध गराईने जानकारी पनि कार्कीले गराउनु भयो ।
यो बारेमा तपाईको प्रतिकृया