मन्थली,३० जेठ । रामेछापको मन्थली नगरपालिका पूर्ण खोप सुनिश्चितता दीगोपाना पालिका घोषणा भएको छ ।
शनिवार एक कार्यक्रमको आयोजना गरी जिल्ला खोप समन्वय समिति रामेछापले मन्थली नगरलाई पालिका र नगरस्तरीय खोप समन्वय समितिले मन्थली नगरका १४ वटा वडालाई पूर्ण खोप सुनिश्चितता दीगोपना पालिका र वडा घोषणा गरेको हो ।
मन्थली नगरक्षेत्रका जन्मे देखि ५ बर्ष सम्मका सम्मका ३ सय ३६ जना बालबालिकाहरुलाई लगाउनुपर्ने सबैखाले खोप लगाइसकेर त्यसका लागि आबश्यक मापदण्ड पुरा भएका कारण मन्थली नगरलाई जिल्ला खोप समन्वय समितिले पूर्ण खोप सुनिश्चितता दीगोपना नगर घोषणा गरीएको जिल्ला खोप समन्वय समितिका सह संयोजक एबं जिल्ला समन्वय समिति रामेछापका उप प्रमुख प्रेम बहादुर थापाले बताउनुभयो ।
त्यसैगरी मन्थली नगरका १४ वटै वडाले आबश्यक मापदड पुरा गरी उक्त उमेर समुहका वालावलिकाहरू खोप लगाउन बाँकी नगरहेकोले नगर खोप समन्वय समितिले मन्थली पनि नगरका १४ वटै वडालाई पूर्ण खोप सुनिश्चितता दीगोपाना वडा घोषणा गरेको मन्थली नगर स्वास्थ्य प्रमुख केशब फुयाँलले बताउनुभयो ।
कार्यक्रमका अवसरमा पूर्ण खोप सुनिश्चितता दीगोपाना कार्यक्रमका लागि सहगोग गर्ने १४ वटै वडा,वडामा रहेका स्वास्थ्य केन्द्रका प्रमुखहरु र विभिन्न कर्मचारीहरुलाई सम्मान गरिएको थियो ।
मन्थली नगरले २०७४ साल देखि हरेक वर्ष पुर्णखोप सुनिश्चितता दीगोपनाका लागि विभिन्न कार्यक्रमहरू गर्दै आइरहेको छ ।
यो बारेमा तपाईको प्रतिकृया