रामेछाप- लिखुतामाकोशी गाउँपालिकामा नेपाली काँग्रेसले कोरोना भाइरसबाट बच्नको लागि जनचेतना जगाउँदै स्थानीयलाई माक्स वितरण गरेको छ । नेपाली काँग्रेस लिखुतामाकोशी गाउँपालिकाले सरकारले देशैभरी लगाएको लकडाउनलाई पूर्ण रुपमा पालना गर्नु पर्नेमा जोड दिँदै घरबाहिर निस्केका स्थानीलाई निःशुल्क माक्स दिएर घरभित्रै बस्न अनुरोध गरेको छ ।
कोरोना भाइरस सम्बन्धी पूर्ण रुपमा जानकारी नभएका स्थानीयलाई भाइरसबाट बच्न अपनाउनु पर्ने सावधानी सहित ३ सय थान माक्स, एक सय पचास थान हातमा लगाउने पन्जा, ५० थान हात धुने डिटोल साबुन लगायतका सामाग्री वितरण गरिएको नेपाली काँग्रेस लिखुतामाकोशी गाउँपालिकाका सचिब दामोदर खड्काले जानकारी दिनुभयो ।
त्यस्तै घर बाहिर निस्केका स्थानीयले समेत प्रयोग गर्न मिल्ने गरी दुई ठाउँमा हात धुनको लागि ड्रम सहितको धारो समेत स्थापना गरिएको सचिब खड्काले बताउनुभयो ।
नेपाली काँग्रेस जिल्ला कार्यसमिति सदस्य भोजराज खड्का सुन्दर, नेपाली काग्रेस रामेछाप प्रदेशसभा ‘क’ का सचिब निरोज खड्का, सदस्य मदन तामाङ, नेपाली काग्रेस लिखुतामाकोशी गाउँपालिकाका उपसभाति हरी बहादुर खड्का, लक्ष्मण खड्का, ज्ञानु श्रेष्ठ लगायतको टोलीले छुट्टाछुट्टै स्थानमा भिडभाड नहुने गरी घरभित्रै बस्दा अपनाउनु पर्ने उपायको जानकारी गराउँदै सामाग्री वितरण गरिएको हो ।
त्यस्तै गाउँपालिकाका नागरिकलाई कोरोना भाइरसको संक्रमण भएको संका लागेमा तत्काल क्वारेन्टाइनमा राख्नु पर्ने हुँदा धोबीमा रहेको झट्टेश्वर माविको कार्यक्रम गर्ने हललाई प्रयोग गरी हाल १५ सैयाको क्वारेन्टाइन कक्ष तयार पारिएको पनि सचिब दामोदर खड्काले बताउनुयो । त्यस्तै बाँकी १५ सैयाँ थप हुने गरी काम भई रहेको पनि उहाँले बताउनुभयो । उहाँका अनुसार गाउँपालिकाले तयार पारेको उक्त क्वारेन्टाइन निर्माणको लागि पनि नेपाली काँग्रेस लिखुतामाकोशी गाउँपालिकाले सहयोग गरेको छ ।
लिखुतामाकोशी गाउँपालिकाका अध्यक्ष गोविन्द बहादुर खड्का सहितको टोलीले उक्त क्वारेन्टाइन बुधबार तयार पारिएको हो । गाउँमा कोरोनाबाट बच्नको लागि इलाका प्रहरी कार्यालय धोबीका प्रहरी नीरिक्षक मदन थापासँग सहकार्य गरेर भिडभाड नगरी विभिन्न जनचेतनामूलक कार्यक्रमहरु गरिने सचिब पनि सचिब दामोदर खड्काले बताउनुभयो ।
यो बारेमा तपाईको प्रतिकृया