रामेछाप । दक्षिण कोरियामा बसोबास गर्दै आएका रामेछापेलीहरुको छाता संगठन रामेछाप सम्पर्क समिति दक्षिण कोरियाको सहयोगमा रामेछाप जिल्लाका सबै पालिका र एक अस्पतालका लागि विभिन्न स्वास्थ्य सामाग्रि उपलब्ध गराएको छ । कोभिडका कारण थिलथिलो बनेका पालिका र अस्पताल हरुमा स्वास्थ्य सामाग्रि अपुग भईरहेको वेला सम्पर्क समितिले करिब १२ लाख बराबरको स्वास्थ्य सामाग्री उपलब्ध गराएको हो । सामान हस्तान्तरण कार्यक्रमा रामेछापका सहयोगि मनन ( रासम ) का सदस्यहरुको समेत सहभागिता रहेको ।
शनिबार सम्म ७ वटा पालिकामा स्वास्थ्य सामाग्रि हस्तान्तरण गरेको सम्पर्क समितिले आईतबार मन्थली नगरपालीका र तामाकोशि अस्पतालमा पुगेर कोभिड संक्रमितहरुका लागि आबश्यक महत्वपुर्ण स्वास्थ्य सामाग्रि उपलब्ध गराएको सम्पर्क समितिका अध्यक्ष रवि प्रताप घिसिङ्गले जानकारी दिनुभयो । राष्ट्रियता र मातृभूमिप्रति प्रतिबद्ध संम्पर्क समितिका पदाधिकारीहरुले मिनिभेन्टीलेटर १ ∕१ थान मिनि भेन्टिलेटर,ग्लुको मीटर,सेनीटाईजर,सर्जिकल मास्क र सर्जिकल पंजा उपलब्ध गराएको हो । समितिका निर्बतमान अध्यक्षको नेतृत्वमा आएका पदाधिकारीहरुको टोलीले तामाकोशि अस्पतालको अलावा गोकुलगंगा,उमाकुण्ड,सुनापति,लिखु तामाकोशि दोरम्बा गाउँपालीका,खाँडादेवी गाउँपालीका तथा रामेछाप नगरपालीका र मन्थली नगरपालीकालाई ति सामाग्रि प्रदान गरेको हो ।
सम्पर्क समितिले प्रति अस्पताल र प्रति पालीका १ लाख ३० हजार समेत गरि कुल ११ लाग ७० हजार रुपैया बरावरको स्वास्थ्य सामाग्रि उपलब्ध गराएको हो । सम्पर्क समितिले सबै पालीकाहरुमा मेयर,प्रमुख र अस्पातलका प्रमुखहरु समेतको रोहबरमा सामाग्रि हस्तान्तरण गरेको जानकारी संस्थापक प्रमुख सल्लाहकार विदुर खड्काले दिनु भएको छ ।
यो बारेमा तपाईको प्रतिकृया