रामेछाप- उमाकुण्ड गाउँपालिकाकी उपाध्यक्ष उर्मिला कार्कीले लैङ्गिक हिंसा अन्त्यको लागि सबैले साथ दिनु पर्नेमा जोड दिनुभएको छ । गाउँपालिकाद्वारा आयोजित लैङ्गिक हिंसा विरुद्धको १६ दिने अभियान समापन कार्यक्रममा बोल्दै उपाध्यक्ष कार्कीले लैङ्गिक हिंसा अन्त्यको लागि सरकार, राजनीतिक दल, बुद्धीजिवी, समाजसेवी, स्थानीय नागरिक लगायतले हातेमालो गरेर अगाडी बढ्नु पर्नेमा जोड दिनुभयो । लिङ्गको आधरमा क्षमताको मापन गरिदाँ त्यसबाट महिला बढी विभेदमा परेकाले क्षमता भएका व्यक्तिलाई अवसर प्रदान गर्न सके पनि लैङ्गिक हिंसा कम हुने उहाँको भनाई रहेको छ ।
उमाकुण्ड गाउँपालिकालाई लैङ्गिकमैत्री गाउँपालिका बनाउनको लागि पालिकाले विभिन्न योजनाहरु बनाएर अगाडी बढेको र आगामी दिनमा पनि त्यसलाई कार्यान्वयन गराउन पालिका लाग्ने बताउनुभयो । उपाध्यक्ष कार्कीले विभिन्न किसिमका हिंसाका घटनाहरु घरभित्रैबाट हुँने गरेकोले हिंसामा परेका पीडितहरुले न्यायिक समितिमा वा नजिकैको प्रहरी कार्यालयमा जानकारी गराई सहयोग गरिदिन आग्रह समेत गर्नुभयो । त्यस्तै कार्यक्रममा वडा नम्बर ४ का वडाध्यक्ष मान बहादुर सुनुवारले आफ्नो भनाइ राख्दै लैङ्गिक हिंसा अन्त्यको लागी वडाले विभिन्न अभियान चलाउने बताउनुभयाे ।
उमाकुण्डमा लैङ्गिक हिंसा विरुद्धको १६ दिने अभियानमा प्रत्येक वडाबाट दलित, जनजाती र खुलाबाट एक/एक जोडी । त्यस्तै ७ वटै वडाका महिला सञ्जालका अध्यक्ष, महिला स्वास्थ्य स्वयं सेविका र दुई जना महिला जनप्रतिनिधि सहितको सहभागितामा लैङ्गिक हिंसा विरुद्धको पालिका स्तरिय दुई दिने अन्तरक्रिया कार्यक्रमको आयोजना समेत गरिएको थियो ।
यो बारेमा तपाईको प्रतिकृया