रामेछाप– विभिन्न कामको शिलशिलमा जिल्ला बाहिर रहेका नागरिकहरुलाई रामेछाप जिल्लाका स्थानीय तहरुहरुले घर फर्काई रहेका छन् । लामो समय देखिको लकडाउनका कारण अफ्टेरोमा परेका नागरिकलाई विभिन्न सावधानी अपनाएर तीन दिन अघि देखि घर फर्काइरहेका छन् ।
यहि ९ र १० गते दुई दिनको अवधीमा रामेछाप नगरपालिकाले ३२ ओटा गाडी रिजर्भ गरेर करिव १ हजार चार सयको हारहारीमा स्थानीयहरुलाई आ–आफ्नो घर फर्काएको छ । नगर प्रमुख, उपप्रमुख, वडाध्यक्षहरु, राजनीतिक दल, प्रमुख प्रशासकीय अधिकृत, कर्मचारी लगायतको संयुक्त पहलमा उनिहरुलाई घर फर्काईएको हो ।
देश लकडाउन भएपनि नगरबाहिर रहेका नागरिकलाई सम्बन्धित ठाउँको स्थानीय सरकारले समेत बेवास्ता गरेको र आफूहरु अलपत्र परको भन्ने अधिकासंको गुनासो आएपछि आफूहरुले विभिन्न निकायसँगको छलफलमा उनिहरुलाई घर फर्काइएको रामेछाप नगरपालिकाका नगर प्रमुख नर बहादुर थापामगरले बताउनुभयो । नगरप्रमुखले अफ्टेरोमा परेका नागरिकलाई घर फर्काउन सहयोग गर्ने सबैलाई धन्यबाद समेत व्यक्त गर्नुभएको छ ।
यसरी फर्काइएका आम नागरिकलाई सुरक्षित रुपमा आफ्नै घरको क्वारेन्टिनमा बस्नको लागि नगरपालिकाले अनुरोध गरेको छ ।
८ स्थानीय तह रहेको रामेछापमा अन्य स्थानीय तहहरुले पनि अहिले नियमित रुपमा सावधानी अपनाउँदै अपलत्र परेका नागरिकहरुलाई गाउँ फर्काइरहेका छन् ।
यो बारेमा तपाईको प्रतिकृया