रामेछाप– जिल्लामा क्रियाशिल गैरसरकारी संस्था सामुदायिक विकास समाजले जिल्लाका दुई गाउँपालिकालाई स्वास्थ सामाग्री हस्तान्तरण गरेको छ । विश्वब्यापी रुपमा फैलिएरहेको कोरोना भाईरस (कोभिड–१९) नियन्त्रणको लागि अग्रपंक्तीमा खट्ने पालिकाका स्वास्थकर्मीहरुलाई सुरक्षित रहेर काम गर्न सक्ने गरी संस्थाले खाँडादेवी गाउँपालिका र सुनापति गाउँपालिकालाई अध्यक्षहरुहरुको अनुरोधमा व्यक्तिगत सुरक्षा सामाग्री उपलब्ध गराएको हो ।
विगतको विनासकारी भूकम्प लगायत अन्य विपद्को समयमा पनि सर्वसाधारणलाई राहात लगाएत विभिन्न सहयोग गर्दै आएको सामुदायिक विकास समाजले दुई गाउँपालिकाका स्वास्थ्य संस्थालाई हुनेगरी दश/दश थान थर्माल गन, १५ थान पीपीई, एन–९५ माक्स १ सय ५० थान र सर्जिकल माक्स १ हजार थान हस्तान्तरण गरेको कार्यक्रम संयोजक तिलक कार्कीले बताए ।
टिडिएच जर्मनीको सहयोगमा सामुदायिक विकास समाजले सामाग्री हस्तान्तरण गरेको कार्यक्रममा खाँडादेवी गाउँपालीकाका अध्यक्ष प्रेम तामाड, उपाध्क्षक्ष मखमली श्रेष्ठ सुनापति गाउँपालीका अध्यक्ष धावा लामा, उपाध्यक्ष गिता विष्ट, वडाध्यक्षहरु टिडिएच जर्मनका देशिय संयोजक श्याम कृष्ण श्रेष्ठ, सामुदायीक विकास समाजका कार्यक्रम संयोजक मिलन कुमार घिसिंङ्ग लगाएत दुवै गाउपालिकाका कर्मचारीहरु समेतको सहभागिता रहेको थियो ।
यो बारेमा तपाईको प्रतिकृया