रामेछाप , १९ पुष । वातावरण संरक्षण परियोजना को बार्षिक समिक्षा तथा नगर स्तरीय सल्लाहकार समितिको बैठक आइतवार मन्थलीमा सम्पन्न भएको छ ।
मन्थली नगरापलिकाका प्रमुख रमेश कुमार बस्नेतको अध्यक्षतामा सम्पन्न उक्त कार्यक्रममा बोल्ने अधिकांस वक्ताहरुले परियोजनाले सरोकारवाला निकायहरुसँग पर्याप्त समन्वय नगरी काम गरेको प्रति आक्रोस ब्यक्त गरेका थिए ।
सो अवसरमा बोल्दै नगर प्रमुख बस्नेतले परियोजनाले केही राम्रा कामहरु गर्न प्रयास गरेको भएपनि यसलाई अझ वढि समन्वय गरेर अगाडि बढनुपर्ने कुरालाई जोड दिनुभएको थियो । उहाले रणजोर र सुकाजोरको किनार वरपर हरियाली वनाउने उद्देश्यका साथ परियोजना भित्रेको भएपनि त्यसका लागि अझै निक्कै काम गर्न वाँकी रहेको बताउनु भयो ।
कायक्रमका अबसरमा वोल्दै मन्थली नगरपालिका वडा नं –१ का अध्यक्ष नाराण दाश श्रेष्ठले यस अघि सामुदायिक विकास समाज मार्फत सूरु गरिएका कुनाउरी र हाटेचउर का माछापोखरीमा माछा छन कि भ्यागुता छन त्यसको वारेमा कसैलाई पनि जानकारी नभएको वताउनुभयो । उहाले यस्ता परियोजनाले ति पुराना पोखरीहरुको संरक्षण गरी तेहि समिति मार्फत काम गरेको भए अझ प्रभावकारी हुने बताउनुभयो । मन्थली नपा वडा नं–३ का कार्यवाहक अध्यक्ष नारायण बोगटीले योजना एउटा छान्ने कार्यान्वनय अर्को योजनामा गर्ने काम परियोजनाले गरेको र वडा कार्यालय सँग कुनै किसिमको समन्वय गर्ने नगरेको आरोप लगाउनु भयो । उहाँले परियोजनाले गर्ने हरेक काममा राजनैतिक रङ देखिने गरेकोले त्यस्तो नगर्न अनुरोध गर्नुभयो ।
नेपाल पत्रकार महासंघ रामेछापका अध्यक्ष रमेश ढुंगेलले परियोजनाले पत्रकार महासंघसँग पनि समन्वय नगरेको प्रति गुनासो गर्नुभयो । स्थानीय मिडियाहरुले परियोजनाका समाचारहरु कभरेज नगरेको भन्ने परियोजनका कर्मचारीहरुले लगाएको आरोप प्रति असन्तुष्ट ब्यक्त गर्दै अध्यक्ष ढुंगेलले परियोजनाका समाचारहरु स्थानीय सञ्चार माध्यममा मात्र हैन राष्ट्रिय स्तरका दैनि पत्रपत्रिका र अनलाईनहरुमा पनि प्रकाशन र प्रसारण भैरहेको बताउनु भयो । तर ति समाचारहरु परियोजनाकै साझेदार संस्थाका पदाधिकारीहरु र कर्मचारीहरुले समेत शेयर गर्ने नगरेको आरोप लगाउनु भयो । उहाले परियोजनाको विरुवा रोप्ने कार्य वालुवामा पानी खन्याए सो सरह भएको भन्दै परियोजनाको समग्र आर्थिक पारदर्शताको वारेमा सजन बन्न समेत आग्रह गर्नुभएको थियो ।
सो अवसरमा वोल्दै परियोजनाका निर्देशक मिलन कुमार घिसिङले आर्थिक प्रतिवेदन प्रस्तुत गर्न छुटेको स्वीकार गर्दै सबै कुरा सहभागिले लगाएको आरोप अनुसार नभएको पनि वताउनु भयो ।
उहाले आगामी दिनमा सहभागिको सल्लाह र सुझावलाई मध्यनजर गर्दै अगाडि बढ्ने बताउनु भयो ।
सो अवसरमा वातावरण संरक्षणमा उल्लेख्य काम गर्ने ३ वटा संस्था र ८ जना ब्यक्तिलाई नगद तथा प्रसंसा पत्र सहित पुरस्कृत गरिएको थियो ।
यसरी पुरस्कृत हुनेहरुमा रामेछाप सहयोगी मनहरु(रासम), सिद्धेश्वर वाल क्लव सालु र सानीमदौ सामुदायिक वन उपभोक्ता समुह रहेका छन् । त्यसैगरी ब्यक्तिगत रुपमा पुरस्कृत हुनेहरुमा रमेश अधिकारी कठजोर,गणेश माझी हात्तिटार,लक्ष्मण श्रेष्ठ,रीता सुवेदी र पत्रकार द्वय नवराज श्रेष्ठ र दिपक भट्ट रहेका छन् । उनीहरुलाई संस्थागत रुपमा रु ७ को २५ प्रतिशत कर कट्टी गरी ५ हजार २ सय ५० रुपैयाको चेक र प्रसंसा पत्र प्रदान गरिएको थियो भने ब्यक्तिगत पुरस्कृत हुनेहरुलाई प्रति ब्यक्ति रु ५ हजार को २५ प्रतिशत रकम कर कट्टी गरी रु ३ हजार ७ सय ५० रुपैयाको चेक र प्रसंसा पत्र वितरण गरिएको थियो ।
सामुदायिक विकास समाज,पहाडी समाज कल्याण केन्द्र र श्रृजनसिल युवा समाज चिसापानीको साझेदारीमा यो परियोजना जिल्लाको रामेछाप र मन्थलीका केहि वडाहरुमा लागु भैरहेको छ । कार्यक्रमका अबसरमा परियोजनाको २ बर्ष अबधि समाप्त भैसकोे र १ वर्ष वाँकी रहेको जानकारी गराइएको थियो ।
यो बारेमा तपाईको प्रतिकृया