रामेछाप १९ फागुन । रामेछाप बहु प्राविधिक शिक्षालय र सिटिईभिटीको संयुक्त आयोजनामा मन्थली नगरपालिका वडा नं २ का कृषकहरुका लागि छोटो अबधिको ब्यवसायीक च्याउ खेती सम्बन्धि तालिम आरम्भ गरिएको छ । शुक्रवार वडा नं २ को सोतीमा शुरु गरिएको उक्त तालीमको उद्घाट्न मन्थली नगरपालिकाकी प्रमुख ईश्वरी बस्नेतले गर्नु भएको हो । तालीमको आरम्भ गर्दे उप प्रमुख बस्नेतले तालिमबाट ब्यवसायीक रुपमा च्याउ खेति गर्न चाहने कृषकहरुलाई फाईदा पुग्ने भन्दै यसका लागि नगरपालिकाले पनि आवश्यक सहयोग गर्ने प्रतिबद्धता ब्यक्त गर्नुभयो । उहाँले सिकेको सिपलाई प्रयोगमा ल्याएर आत्मनिर्भर बन्नका लागि पनि सहभागिहरुलाई अनुरोध गर्नु भयो ।
तालिम लिएका हरुले आफनो कार्ययोजना सहित ब्यवसाय गर्न सकेभने मात्र तालिमले सार्थकता पाउने धारणा पनि राख्नु भयो ।
वडा नं २ को कार्यालयको समन्वयमा संचालित तालिममा वडा का २० जना कृषकहरुको सहभागिता रहेको तालिमका प्रशिक्षक सबिन सुबेदीले जानकारी दिनुभयो । बढ्दो बेरोजगारी संगै बजारमा च्याउको मागका आधारमा आयोजकले ब्यवसाय गर्न चाहने हरुका लागि आवश्यक सहयोग पुगोस भन्ने उदेश्यले आरम्भ गरिएको तालीम ६५ दिन सम्म संचालन हुने छ ।
तालिम अबधिभर १ सय पोका च्याउ रोप्ने लक्ष्य राखेको संस्थाले हाल सम्म प्रशिक्षणका आधारमा ५० पोका च्याउ रोपिसकेको र बाँकि ५ पोका केहि दिन भित्र रोपिसक्ने लक्ष्य राखेको पनि प्रशिक्षक सबिन सुवेदीले जानकारी दिनुभयो । सहभागीहरूलाई सविन सुवेदी संगै अमन बुढाथोकीले प्रशिक्षण दिईरहनु भएको पनि सिटिईभिटिले जनाएको छ । तालिमका क्रममा लगाईएको च्याउको उत्पादन राम्रो भएकाले अबको केही दिनमै बिक्रीको लागि बजारमा लगेर परिक्षण गरिने समेत बताईएको छ । कार्यक्रममा वडाध्यक्ष सुरेन्द्र कार्किको पनि सहभागिता रहेको थियो ा
यो बारेमा तपाईको प्रतिकृया