श्रीमति संघ रामेछापको वार्षिक उत्सबमा १८ ले गरे रक्तदान

रामेछाप २८ साउन । आफनो ३९ औँ वार्षिक उत्सवको अवसर पारेर जिल्ला प्रहरी कार्यालय नेपाल प्रहरी ‘श्रीमती प्रहरी’ संघ रामेछापले प्रहरी परिसर भित्र आईतबार रक्तदान कार्यक्रमको आयोजना गरेको छ । नेपाल रेडक्रस सोसाइटी जिल्ला शाखा रामेछापसँगको सहकार्यमा गरिएको रक्तदान कार्यक्रममा कुल १८ जनाले रक्तदान गरेको हो ।
रक्तदान कार्यक्रममा नेपाल प्रहरी श्रीमती संघका सदस्य, प्रहरी कर्मचारीहरू समेत गरि १५ जना कार्यालय बाहिरका अन्य ३ जना गरी कुल १८ जनाले रक्तदान गरेको जिल्ला प्रहरि कार्यालयले जनाएको छ । संकलित रकम जिल्ला भित्रका अस्पताल हरुमा आवश्यक परेको खण्डमा प्रवाह गरिने छ ।