रामेछाप १४ माघ । मन्थली नगरपालिकाले नगर भित्रका आफना नागरिकहरुका लागि घरदैलोमा सेवा पुर्याउने अभियान अनुरुप वडा नं १३ फुलासीको हरेचिण्डेमा संचालन गरेको एकीकृत घुम्ती शिविरका कारण त्यहाँको सार्वजनिक सुनुवाई कार्यक्रम पनि प्रभाबकारी बनेको छ । सार्वजनिक सुनुवाई कार्यक्रममा नागरिकको सक्रिय प्रस्तुति संगै उनिहरुको घरदैलोमा पुगेर सेवा प्रदान गर्ने नगरको लक्ष्य अनुरुप नगरपालिकाले गत शुक्रबार सार्वजनिक सुनुवाई संगै कृषि तथा पशु शाखाको अगुवाईमा सेवा शिविरमार्फत घरदैलोमा प्रदान गरेको हो ।
तीन वटै सेवा घर पाएकमानै र एकै ठाउँबाट पाईने र नगर र वडाका कामहरुको बारेमा खुलेर बोल्न र सुन्न पाईने भएपछि उक्त भेलामा सहभागि करिव २ सय मध्य एक दर्जन भन्दा बढि नागरिकहरुले फुलासीका कृषकहरुका लागि कृषिमा गरिने र गर्दे आएको अनुदानको अवस्था र मल विउ र अनुदानमा गरिएको विभेद र तिनको अपर्याप्तताका कारण उत्पादनमा आसातित वृद्धि गर्न नसकिएको गुनासो गरेका थिए ।
त्यसैगरी शिक्षाको गुणस्तरियतामा सुधार हुन नसकेको संगै वडा भित्र खानेपानीको दिर्घकालीन ब्यवस्थापन र सडक तथा पहिरो नियन्त्रण आदी मुख्य समस्या भएकाले समाधानका लागि नगर पालिकाको ध्यानाकषर्ण गराएका थिए । कार्यक्रमका अवसरमा सहभागि नागरिकहरुले संचालित सेवा र विकास निर्माणका कामहरु र तिनको अवस्थामा हाका हाकी कुरा उठाएका थिए । जसमा महिला र कृषकहरुले पनि हाका हाकि प्रश्न सोधेर कार्यक्रमलाई प्रभावकारी बनाएका थिए ।
सार्वजनिक सुनुवाई कार्यक्रममा उठेका सवालहरुका बारेमा नगर प्रमुख लव श्रेष्ठ,प्रमुख प्रसासकिय अधिकृत हरि प्रसाद चापागाई र वडा नं १३ र १४ का वडा अध्यक्ष नवराज थापा मगर र मोतिलाल तामङ्गले जवाफ दिनु हुँदै सेवा र संचालित विकास निर्माणका कामको दिर्घकालीन गुणस्तरियताका लागि नगरले कुनै पनि कमि आउन नदिने भन्दै त्यसका लागि नागरिक हरुलाई पनि सहयोग गर्न आग्रह गर्नु भएको थियो ।
नगरपालिकाले भेटेनरि सेवा अन्र्तगत २ सय जनाले र कृषि सेवा तर्फ १ सय ४७ जना किसानहरुले कृषि सम्बन्धि सेवा लिएका छन ।जस अन्र्तगत पशु तर्फ विभिन्न प्रकारका औषधि वितरण तथा घर पालुवा कुकुर हरुका लागि रेविज विरुद्धको खोप सेवा र प्राविधिक परामर्श समेत दिइएको मन्थली नगरपालिकाका भेटेनरि प्रमुख मुुकुन्द खड्काले जानकारी दिनु भयो ।
त्यसैगरि कृषि तर्फ किसानहरुको जमिनको माटो परीक्षण,मौसमी तथा बेमौसमी तरकारीको उन्नत जातको विउ वितरण,तथा रोग किरा नियन्त्रण सम्बन्धि प्राविधिक परामर्श दिएको छ । नगरले आफना दुर्गम वडा ११,१२,१३ र १४ वडा गरि ४ वटा वडाका नागरीकहरुको घरदैलोमा सेवा पुर्याउने लक्ष्य सहित सबैलाई पाएक पर्नै फुलासीमा उक्त कार्यक्रम संचालन गरिएको र अन्य वडाहरुमा पनि नागरिकहरुको माग र आवश्यक्ताका आधारमा नगरले यस खालका शिविरलाई निरन्तरता दिँदै आएको नगर प्रमुख लब श्रेष्ठले बताउनु भयो ।
घरदैलो सेवा सँगै ति वडाहरुमा गएको एक वर्ष भित्र नगरपालीका र वडा कार्यालयहरुबाट भए गरेका कामको पारदर्शिता र गुणस्तरियता संगै नगरवाट भए गरेका अन्य सेवाका बारेमा जानकारी लिन र नागरिकहरुको समस्याका वारेमा सुनुवाई गर्न सोहि दिन सार्वजनिक सुनुवाई कार्यक्रम समेत गरेको थियो ।
यो बारेमा तपाईको प्रतिकृया