२०८३ को जिल्ला स्तरीय रास्ट्रपति रनिङ शिल्ड प्रतियोगिता सुनापती गाउपालिकामा गराईने

रामेछाप– आगामी २०८३ मा हुने जिल्ला स्तरीय रास्ट्रपति रनिङ शिल्ड प्रतियोगिता सुनापती गाउपालिकामा खेलाईने उद्घोष गरिएको छ । सुनापति गाउँपालिकामा मँगलबार सम्पन्न पालिका स्तरीय सातौ राष्ट्रपति रनिङ शिल्ड समापन कार्यक्रमका अबसरमा गाउँपालिका अध्यक्ष ठुलोकान्छा तामाङले २०८३ सालको उक्त प्रतियोगिता सुनापति गाउँपालिकाले आयोजना गर्ने उद्घोष गर्नु भएको हो । तीन दिन सम्म चलेको रास्ट्रपति रनिङ शिल्ड प्रतियोगिताको उपाधि कृष्णपुरी माविले चुम्न सफल भएको छ ।
प्रतियोगितामा ७ स्वर्ण पदक सहित कृष्णपुरी मावि रुपाकोटले जितेको छ। प्रतियोगितामा मावि डहु मावि ४ स्वर्ण पदक सहित दोस्रो हुन सफल भएको छ भने पशुपति मावि नागसिवाले ३ स्वर्ण पदक जितेर तेस्रो स्थान लिन सफल भएको छ ।प्रतियोगितामा कृष्णवर्णेश्वर मावि मानपुरले २ स्वर्ण पदक, कुशेश्वर मावि सुनापति–४ बेथानले २ स्वर्ण पदक जित्न सफल भएको छ । त्यस्तै सतलिङ्गेश्वर मावि सुनापतिले १ स्वर्ण पदक जितेको छ भने जलदेवी मावि खनियापानीले १ स्वर्ण जिति रहदा अग्लेश्वर मावि दिमीपोखरी र बाल मावि भिरकोट भने स्वर्ण पदक विहिन बने ।
सुनापति गाउँपालिका खेलकुद विकास समितिका अध्यक्ष सुदिप केसीको अध्यक्षतामा भएका प्रतियोगिताको समापन कार्यक्रममा कार्यक्रमका प्रमुख अतिथि समेत रहेका गाउँपालिका अध्यक्ष ठुलोकान्छा तामाङले विजेता र प्रतियोगितामा सहभागि खेलाडीहरुलाई भाग लिने ख उपाध्यक्ष गिता विष्टले वितथा शिल्ड, मेडल र प्रमाणपत्र वितरण गर्नु भएको थियो । समापन कार्यक्रममा कार्यक्रममा गाउँपालिका उपाध्यक्ष गिता विष्ट, गाउँपालिका प्रवक्ता एवं वडा नं २ का वडाध्यक्ष पदम थापा, वडा नं १ का वडाध्यक्ष ध्रुव चौलागाई, वडा नं ३ का वडाध्यक्ष कुल बहादुर थिङ, वडा नं ४ का वडाध्यक्ष डन्डुप लामा, वडा नं ५ का वडाध्यक्ष चित्रबहादुर मानन्धर लगायतका जन प्रतिनिधीहरुको समेत उपस्थिति रहेको थियो ।
समापन कार्यक्रममा बोल्दै कार्यक्रमका प्रमुख अतिथी एवम् गाउँपालिका अध्यक्ष ठुलोकान्छा तामाङले प्रतियोगितामा भाग लिने खेलाडीहरूले कुनै पनि हारजितको रूपमा नहेरी निरन्तर अभ्यासको रूपमा लिन आग्रह गर्दै जित्ने खेलाडीहरुलाई जिल्ला स्तरीय राष्ट्रपति रनिङ शिल्ड प्रतियोगिता भाग लिएर शिल्ड जित्नेगरी अभ्यास गर्न र त्यसका लागि स्थानिय सरकारले पनि सहयोग गर्नै धारणा राख्नु भएको थियो । सो अवसरमा उहाँले आगामी दिनमा पनि खेललाई प्राथमिकतामा राखेर गाउँपालिकाले खेल क्षेत्रको बिकासमा पालिकाले कुनै पनि कसुर नराख्ने धारणा राख्नु भएको थियो । सो क्रममा आफनो धारण राख्दै अध्यक्ष ठुलोकान्छा तामाङले आगामी २०८३ मा हुने जिल्ला स्तरीय रास्ट्रपति रनिङ शिल्ड प्रतियोगिता सुनापती गाउपालिकामा खेलाउने प्रतिबद्धता समेत व्यक्त गर्नु भएको थियो ।प्रतियोगिता आइतबारदेखि सुरु भएर मंगलरबार सम्पन्न भएको र उक्त प्रतियोगितामा गाउँपालिकाका ९ वटा विद्यालयको सहभागिता जनाएको पनि पालिकाले जानकारी गराएको छ ।