मिडिया सँग रामेछाप निर्वाचन कार्यालयको अन्तरक्रिया

रामेछाप १० फागुन । अहिले सम्म निर्वाचन कार्यालयले गरेको तयारी र निर्वाचनलाई थप प्रभावकारी बनाउन सकिन्छ भन्ने सन्दर्भलाई लिएर जिल्ला निर्वाचन कार्यालयले आईतबार जिल्लाका सँचार माध्यमहरु सँग अन्र्तक्रिया कार्यक्रमको आयोजना गर्यो । आसन्न निर्वाचनको तयारीका बारेमा सँचारकर्मिहरुलाई जानकारी गराउने र सुझाब सँकलन गर्ने मुख्य उदेश्यका साथ गरिएको अन्र्तक्रिया कार्यक्रममा जिल्लाका करिब २ दर्जन भन्दा बढि सँचार माध्यम र तिनका प्रमुखहरुको सहभागिता रहेको थियो ।
अन्र्तक्रिया कार्यक्रममा जिल्ला निर्वाचन अधिकारी नारायण लामीछानेले दिनु भएको जानकारी अनुसार आगामी २१ फागुनमा सम्पन्न हुने निर्वाचन प्रयोजनका लागि निर्वाचन कार्यालयले करीव सबै काम पुरा गर्न लागिएको जानकारी दिनुभयो । जस अनुसार जिल्लाका २ सय ३० वटा मतदान केन्द्रका लागि संघ, प्रदेश र स्थानीय तहका कर्मचारी तथा शिक्षकसमेत गरी २ हजार ७४ जनाको विवरण निर्वाचन कार्यालयमा पठाई सकिएको छ । जसका लागि २ सय ३० मतदान अधिकृत २ सय ३० सहायक मतदान अधिकृत र तिनका लागि ६सय ८४ जना अन्य कर्मचारी र सहयोगी कर्मचारी १ सय ३० समेत गरी कुल १ हजार ३ सय ७४ जना कर्मचारी परिचालन गरिने छ ।
त्यसैगरि निर्वाचन प्रयोजनकै लागि जिल्लामा २ हजार ४सय २२ जना अस्थायी मतदाता रहेका छन्। जसमा कारागारमा रहेका १९ जना मतदातालाई पनि यसमा समावेश गराईने छ जसमा अस्थायी मतदानका लागि दुई केन्द्र तोकेको छ। जसमा एउटा केन्द्र कारागारभित्र र अर्को सघन सहरी तथा भवन निर्माण कार्यालय मन्थली परिसरमा सञ्चालन गरिनेछ। निर्वाचन सामग्री व्यवस्थापन अन्तर्गत आवश्यक सामग्री आयोगबाट प्राप्त भइसकेको छ भने सोमबार सम्म प्रत्यक्ष र र समानुपातिक गरि २ थरि मतपत्र आईपुग्ने जिल्ला निर्वाचन अधिकारी लामीछानेले बताउनुभयो। जस अनसार निर्वाचन कार्यलले सबै तयारीलाई तिब्र बनाएको पनि लामिछानेले जानकारी दिनु भयो ।
निर्वाचन तयारी कार्यक्रम अन्र्तगत कायालयले जिल्लाका ६४ वटै वडामा मतदाता शिक्षा कार्यक्रम समेत सञ्चालन भईरहेको छ । त्यस प्रयोजनका लागि जिल्ला निर्वाचन कार्यालयले आफनो फोकल पर्सन तोकेर ८ वटै स्थानिय निकायमा स्वयंसेवक तथा समन्वयकर्तामार्फत मतदाता शिक्षासम्बन्धी कार्यक्रम सञ्चालन भइरहेको जानकारी पनि सो अवसरमा गराईएको थियो । त्यसैगरि फागुन १२ देखि १४ गतेसम्म सदरमुकाम मन्थलीमा निर्वाचन अधिकृतहरुका लागि अभिमुखीकरण कार्यक्रम सञ्चालन गर्नका लागि पनि कार्यालयले आवश्यक तयारी गरिएको छ।
सरकारी लक्ष्यलाई प्रभावकारी र निष्पक्ष र बनाउनका लागि मुख्य निर्वाचन अधिकृतको कार्यालय, जिल्ला प्रशासन कार्यालय, सुरक्षा निकाय लगाएतका सरोकारवाला निकायसँग बसेर थप समन्वय र सहकार्य गरि रहेको जानकारी पनि प्रमुख लामीछानेले जानकारी दिनुभयो। आयोगको निर्देशनअनुसार सबै उम्मेदवारले बैंकिङ माध्यमबाट मात्र खर्च गर्नुपर्ने व्यवस्था गरिएको छ।मतगणना स्थल व्यवस्थापनको तयारीसमेत अघि बढाइएको छ। निर्वाचनलाई कम खर्चिलो र मित्रबत प्रतिस्पर्धाका लागि जिल्लाका कुल १७ उम्मेदवारमध्ये हालसम्म ११ जनाले निर्वाचन खर्च ब्यवस्थापनका लागि बैंक खाता खोलिसकेको जानकारि पनि लामिछानेले सो अवसरमा दिनुभयो