रामेछाप,२९ असोज । नेपाली काँग्रेस निकट बिद्यार्थी संगठन नेविसंघ रामेछापले आगामि मंसिर ४ गते हुन लागेको प्रतिनिधि सभा र प्रदेश सभाको निर्वाचनका लागि युवा बिद्यार्थीलाई परिचालन गर्ने निर्णय गरेको छ । शनिवार मन्थलीमा नेविसंघ रामेछापका उपसभापति विमल पौडेलको अध्यक्षतामा बसेको बैठकले उक्त निर्णय गरेको हो ।
मंसिर ४ गते हुने प्रतिनिधि सभा र प्रदेश सभाको निर्वाचनमा गठबन्धनको तर्फबाट प्रतिनिधी सभाको सदस्यका उम्मेदवारका रुपमा आफना पार्टि सभापति पुर्णबहादुर तामाङ (कान्छाराम) र प्रदेशसभा (क) का उम्मेदवार तारानारायण श्रेष्ठ, प्रदेशसभा (ख) का उम्मेदवार युवराज चौलागाई लाई विजयी गराउन नेविसंघले चुनाव केन्द्रित युवा विद्यार्थी परिचालन गर्ने निर्णय गरेको हो ।
बैठकले मंसिर ४ को निर्वाचनका लागि साझा उमेद्वार तोकेर आई सकेकोले उक्त निर्वाचनको तयारीका लागि सबै पालिका र मतदान केन्द्र लक्षित युवा तथा बिद्यार्थीलाई परिचालन गरेको छ ।
नेविसंघले आफ्नो–आफ्नो पालिकाका बिद्यार्थीलाई गाउँ–गाउमा गएर मतदाता शिक्षा दिन, चुनाब प्रचारप्रसार गर्न र बुथ सुरक्षा गर्न युवा विद्यार्थी परिचालन गर्ने समेत निर्णय गरेको छ ।
त्यसैगरी बैठकले निर्वाचनको अभियान लगतै नेविसंघ रामेछापको संगठन विस्तार गरेर पालिका, क्षेत्र, जिल्लाको अधिबेशन थालनी गरी अधिबेशन सम्पन्न गर्ने निर्णयसमेत गरेको नेविसंघका उपाध्यक्ष विमल पौडेलले जानकारी दिनुभयो ।
यो बारेमा तपाईको प्रतिकृया