मंसिर ४ पछिको सम्पूर्ण समय रामेछापको समृद्धि र मानव विकासको लागि खर्च गर्छु ः कान्छाराम

रामेछाप, १४ कार्तिक । नेपाली काँग्रेसको तर्फबाट प्रतिनिधि सभाको उम्मेद्वार पुर्ण बहादुर तामाङ कान्छारामले मंसिर ४ पछिको सम्पूर्ण समय रामेछापको समृद्धि र मानव विकासको लागि खर्च गर्ने बताउनु भएको छ । उहाँले त्यसका लागि आगामी निर्वाचनमा गठबन्धका उमेद्वारको पक्षमा मतदान गर्न पनि मतदाताहरुलाई आग्रह गर्नु भएको छ ।
निर्वाचन नलडेको हिजोको अबस्थामा पनि आफुले समाजसेवाको क्षेत्रमा दर्जनौ काम गरेको उदाहरण दिंदै त्यसैको आधारमा पनि आफनो टीममा रहेको गटबन्धनलाई चुनाबमा जिताउनका लागि आम मतदाताहरुलाई आग्रह गर्नु भएको हो ।
उहाँले भन्नु भयो हिजो ब्यक्तिगत लगानी गरेर पनि मैले सामाजि पक्षमा धेरै काम गरेको छु । अब नितिगत रुपमानै जिल्लाको सम्बृद्धिका लागि आफुले काम गर्न चाहेको भन्दै त्यसका लागि गठबन्धनका उमेद्वार हरुको पक्षमा मतदान गर्न पनि आम मतदाता समक्ष आग्रह गर्नु भयो ।

आफूलाई विगत देखिनै रामेछापका नागरिकको मायाले गाउँ केन्द्रित बनाएको अबस्थामा आफुले पार्टिबाट टिकट लिएर चुनाब लडेकोले पुनः सहयोगका लागि नागरिक समक्ष गाउँ आएको पनि बताउनु भयो ।
शनिबार रामेछाप नगरपालिकाको वडा नं ८ को रामेछाप बजार र वडा नं ९ को ल्याङ्ग ल्याङ्गमा मतदाता भेटघाट तथा वडा स्तरीय कार्यक्रम सकेर आइतबार रामेछापको वडा नं ७ स्थित शुकाजोरको वडा कार्यालय र ओख्रेनीको च्यास्कुमा मा आयोजित कार्यक्रममा आफ्नो भनाई राख्ने क्रममा पुर्ण बहादुर तमाङ्ग कान्छा रामले आफुलाई विकासबाट बंचितमा परेका रामेछापवासीको मायाले जिल्लामै राखेकोले पनि आफनो सेवा गर्न चाहनाले पुर्णता पाउने बताउनु भयो ।
आफुलाई विकासबाट बंचितमा परेका नागरिकको मायाले गाउँमै आर्कर्षित गराएको भन्दै मंसिर ४को निर्वाचन पछि आफुले आफ्नो सम्पूर्ण समय रामेछापको समृद्धि र मानब बिकासको लागि खर्च गर्ने प्रतिबद्धता पनि जनाउनु भयो ।
रामेछापको समग्र समस्यामा आफू जानकार रहेको बताउँदै लोकतान्त्रिक बाम गठबन्धनका उम्मेद्वारहरुले संयुक्त स्थानीय घोषणा पत्रमा रामेछापमा रहेका समस्या समधान गर्ने योजना राखिएको बताउँदै आफूहरु निर्वाचित भएपछि पुर्ण रुपमा त्यसको कार्यान्वयन गरिने धारणा राख्नु भयो ।
कार्यक्रममा नेपाली काँग्रेस रामेछापका प्रतिनिधि सभा तर्फ नेपाली काँग्रेसबाट समानुपातिक तर्फका उम्मेद्वार मुक्त बहादुर महते,नेकपा माओवादी केन्द्रकि समानुपातिक उमेद्वार सृजना गौतम, नेपाली काँगेसका समानुपातिक तर्फका उमेद्वार उज्वल राम घिमिरे ,नेकपा माओबादी केन्द्रबाट समानुपातिकका उम्मेद्वार प्रदेश तर्फका केशर कुमार कालिकोटे, लगायतका दर्जन भन्दा बढि नेताहरु अभियानमा आ आफनो धारणा राख्नु भएको थियो । सबै जसो कार्यक्रमको संचालन भने नेपालि काँग्रेस रामेछापका सचिब दिपक खड्काले संचालन गनु भएको थियो । अभियान सोमबार रामपुर र हिमगगामा संचालन हुने जानकारी पनि आयोजक पक्षले गराएको छ