अनेरास्ववियु रामेछापद्धारा हत्यारालाई कारबाही गर्न माग

रामेछाप । नेकपा एमाले निकट अनेरास्ववियु रामेछाप जिल्ला कमिटिले आफना संगठनका नेता चेतन एडीका हत्यारा माथि कारबाहीको माग गर्दे प्रजिअ मार्फत सरकार समक्ष माग गरेको छ ।
संगठनले मंगलबार रामेछापका प्रमुख जिल्ला अधिकारी सोभाखर रेग्मी मार्फत प्रधानमन्त्री शेरबहादुर देउवालाई ज्ञापन पत्र बुझाएको हो । उसले आफनो ज्ञापन पत्रमा गत मङ्सिर ४ गते राति नेत एडी घरमा सुतिरहेको बेला बाजुराको त्रिवेणी नगरपालिका–७ मा सत्ता गठबन्धनका कार्यकर्ताले हत्या गरेका र लामो समय सम्म पनि दोषिलाई पक्राउ नगरेको भन्दै कार्वाहिका लागि प्रधानमन्त्री समक्ष ज्ञापन पत्र बुझाएको हो । ज्ञापन पत्रमा संगठनका केन्द्रीय कमिटी सचिवालय सदस्य एवं अनेरास्ववियु सुदूरपश्चिम विश्वविद्यालय राष्ट्रिय कमिटी अध्यक्ष चेतन एडीलाई मंसिर ४ गते दिउँसो मतदान केन्द्रमा भएको विवादका विषयलाई लिएर राति घरमा पुगेर उहाँ माथि आक्रमण भएको थियो । सो क्रममा एडिको हत्या भएको र यस बारेमा हाल सम्म पनि प्रशासनले कुन चासो नदेखाएका कारण दबाब स्वरुप अनेरास्ववियुले ज्ञापन पत्र बुझाएको कुरा उल्लेख गरिएको छ । उक्त ज्ञापन पत्रमा जिल्ला रामेछापका सचिव पुष्कर भट्टराईले हस्ताक्षर गर्नु भएको छ ।
ज्ञावन पत्रमा सत्ताको आडमा बीभत्स हत्या हुँदासम्म टुलुटुलु हेरिरहनुले सत्ता गठबन्धन आपराधिक क्रियाकलापको संरक्षणमा लागेको कुरा स्पष्ट देखिएको कुरा पनि उल्लेख गरिएको छ । सत्ता गठबन्धनको आडमा भएको सो हत्याको तत्काल छानबिन गरी आपराधिक कार्यमा संलग्नलाई तत्काल पक्राउ गरी कानुनी दायरामा ल्याउन पनि अनेरास्ववियुले माग माग गरेको छ । त्यसका लागि अनेरास्ववियु जस्तोसुकै मूल्य चुकाउन तयार रहेको पनि ज्ञापन पत्रमा उल्लेख गरिएको छ ।उक्त ज्ञापन पत्रलाई मंगलबारै प्रधानमन्त्रीको कार्यालयमा पठाईएको प्रमुख जिल्ला अधिकारी शोभाखर रेग्मीले जानकारी दिनुभयो ।