२७ असार, २०७६
रामेछाप- विहिबार बिहान देखि नियमित रुपमा भइरहेको बर्षाको कारण रामेछापमा पहिरोले पुरिएर एक बृद्ध महिलाको ज्यान गएको छ ।
रामेछाप नगरपालिका–५ रामपुरमा शुक्रबार बिहान गोठमा भैँसीको दुध दुहुने क्रममा माथीबाट ढिस्को भत्केर आएको र उक्त ढिस्कोले गोठ भत्काउँदा रामपुरकी ७१ वर्षिय पदम कुमारी सुनुवारको ज्यान गएको वडा नं. ५ का वडा अध्यक्ष भिमबहादुर तामाङले जानकारी दिनुभयो । पहिरोले पुरिएर भैँसी पनि मरेको छ ।
पहिरोमा परी मृतक सुनवारकी बुहारी ५१ वर्षिय असली सुनुवार पनि घाइते हुनुभएको छ । घाइते सुनुवारको छातीमा समस्या देखिएकाले उपचारको लागि अस्पताल लैजने तयारी भइरहेको वडा अध्यक्ष तामाङले जानकारी दिनुभयो ।
यो बारेमा तपाईको प्रतिकृया