मन्थली,२८ असार । ट्रेड युनियन काँग्रेस रामेछापले विहिवार श्रमिकहरुको न्युनतम पारिश्रमिक रु २५ हजार हुनुपर्ने माग राख्दै रामेछापकी प्रमुख जिल्ला अधिकारी अनिता निरौला मार्फत श्रम रोजगार तथा सामाजिक सुरक्षा मन्त्री शरद सिं भण्डारी लाई ज्ञापन पत्र बुझाएको छ ।
नेपालको श्रम ऐन २०७४ मा ब्यवस्था भए अनुसार प्रत्येक २ ÷२ बर्षमा त्रिपक्षिय सहमतिका आधारमा श्रमजिबिहरुको न्यूनतम पारिश्रमिक निर्धारण गरि श्रावण देखि लागु गर्नु पर्नेमा सरकार र सम्बन्धीत निकाय छलफलमा बस्दा कुनै निष्कर्ष निस्कन नसकेकोले श्रमजिविहरुको हक र अधिकार सँग सम्बन्धि निर्णय गर्न पनि युनियनले सम्बन्धित पक्षलाई आग्रह गरेको छ ।
वर्तमान अबस्थाको आकासिदो महंगीमा सबै श्रमिकहरुको वर्तमान न्यूनतम पारिश्रमिक अत्यन्तै न्यून भएको भन्दै साउन १ गते देखिनै लागु हुनेगरी न्यूनतम पारिश्रमिक रु २५ हजार हुनुपर्ने माग ज्ञापन पत्रमा उल्लेख गरिएको छ ।
यो बारेमा तपाईको प्रतिकृया