६ भदौ, २०७६
मन्थली– जीवन विमाको क्षेत्रमा विश्वासिलो र भरपर्दो कम्पनीको रुपमा पहिचान बनाएको नेपाल लाईफ ईनस्योरेन्सले आफ्ना सदस्य र शुभचिन्तकहरुका लागि प्रशंसा र सम्मानको बाढी नै चलाएको छ । स्थापना कालदेखिने आफ्ना सदस्यहरुको हितलाई मुख्य एजेण्डा बनाउँदै हरेक वर्ष सम्मान र प्रशंसाको बाढी चलाउँदै आएको उक्त कम्पनिले शुक्रवार मन्थलीमा एक कार्यक्रमको आयोजना गरि संस्थाका क्रियाशिल सदस्यहलाई सम्मान र अरु सदस्यहरुका हकमा प्रशंसाको बाढी चलाएको हो ।
कम्पनीले शुक्रबार संचालन गरेको कार्यक्रमको प्रमुख आतिथ्यता केन्द्रिय वरिष्ठ सहायक महाप्रवन्धक तथा तालीम विभागका प्रमुख उमापति पोखरेललले गर्नु भएको थियो । सो अवसरमा उहाँले नेपाल लाईफले काम गर्न चाहनेहरुका हकमा राम्रो रोजगारी सृजना गरेको भन्दै यसका लागि सबैका कर्महरु अब्बल हुनु पर्ने र त्यसका लागि सबै जनाको भूमिका पनि समन्वय र पारदर्शि हुनु पर्ने कुरामा जोड दिनुभयो । उहाँले नेपाल लाईफ ईन्सोरेन्सले विमाको क्षेत्रमा उत्कृष्ठ भूमिका निर्वाह गरेको दाबी गर्दे यसलाई आम नेपालीको घर घरमा पुर्याउनका लागि पनि सबैसँग आग्रह गर्नु भएको उपशाखाका प्रमुख राम खड्काले जानकारी दिनुभयो । उहाँका अनुसार कम्पनीले गत आर्थिक वर्षमा रामेछाप जिल्लाबाट मात्रा ३ करोड ६५ लाख प्रथम विमा शुल्क असुल्न सफल भएको थियो ।
करिब सय सदस्यहरुका माझ उपस्थिति भएका पोखरेलले विगत एक वर्षमा उत्कृष्ठ काम गर्ने वरिष्ठ एजेन्सी मेनेजर १ जना, गोल्ड एजेन्सी मेनेजर २ जना, सिल्भर एजेन्सी मेनेजर ४ जना, २३ जना एजेन्सी मेनेजर, ४५ जना विजनेस कोअर्डिनेटर, १ सय साठी जना कर्मशिल सकृय अभिकर्तालाई माला र सम्मान पत्रले सम्मान गर्नु भएको थियो । यस शाखाले आफ्ना सदस्यहरुका लागि विमा कम्पनीबाट पाउने सबै सेवाहरु जिल्लाबाटै पाउने व्यवस्था मिलाएको जानकारी पनि खड्काले दिनुभयो ।
यो बारेमा तपाईको प्रतिकृया