बलेरो दुर्घटना हुँदा १५ जना घाइते

मन्थली ,१२ बैशाख । रामेछापको खाँडादेवी गाँउपालिका वडा नं ४ सान्ने फेदीमा भएको वलेरो दुर्घटनामा परी १५ जना घाइते भएका छन् ।

सोहि वडाको त्रिवेणी बाट सन्ने तर्फ जाँदै गरेको बा.६ च. ९१६२ नं को बलेरो दुर्घटना भएको हो । सो स्थानमा गुडिरहेको अबस्थामा अचानक ब्याक भई सडकमा पल्टदा उनीहरु घाइते भएका हुन । घाइतेहरुको मन्थली अस्पतालमा उपचार भैरहेको छ । वलेरो चालक मन्थली न पा ७ मुगिटारका अन्दाजी ३६ बर्षिय चालक अरुण माझी लाई प्रहरीले नियन्त्रणमा लिइ अनुसन्धान भैरहेको जिल्ला प्रहरी कार्यालय रामेछापका प्रमुख डि एस पी प्रदिप कुमार सिंहले जानकारी दिनुभयो ।