मन्थली,३ असार । भू तथा जलाधार व्यवस्थापन कार्यालय रामेछापका प्रमुख सुरेश दाहालले मदिरा सेवन गरी कार्यालय भित्रै आज विहान बितण्डा मच्चाएपछि प्रहरीले पक्राउ गरेको छ
कार्यालय प्रमुख सोमबार बिहानै कार्यालय परिसरमा मदिराले लठ्ठिएर होहल्ला गर्दै गरेको अवस्थामा स्थानीयले फेला पारी प्रहरीलाई जिम्मा लगाएका हुन ।
कार्यालयमै मदिराले मातेका प्रमुख कार्यालयका अन्य कर्मचारीहरु सँग अपशब्द बोल्दै ठुलो आवाजमा कराउँदै गरेको देखेपछि स्थानीयले थाहा पाएर वडा अध्यक्षलाई र प्रहरीलाई खवर गरेका थिए ।
हो हल्ला गरिरहको अबस्थामा घट्नाका वारेमा जानकारी लिन कार्यालय हाता भित्र वडा अध्यक्ष, स्थानीय वासी र कार्यालयका अन्य कर्मचारीहरु पुगेका थिए ।
मदिराले मातेका दाहालले विभिन्न राजनीतिक दलका प्रमुखहरु, सञ्चारकर्मी हरु सहित रामेछापकी प्रमुख जिल्ला अधिकारी ,सांसद,जनप्रतिनिधी लगायतलाई नाम नै तोकेर अपशब्दले गालि गलौज गरेका थिए ।
उनले केही स्थानीयहरुलाई हातपात समेत गर्ने प्रयास गरेका थिए । मदिराले लठ्ठिएका कार्यालय प्रमुख दाहालले घटनास्थलबाट पक्राउन गर्न पुगेको प्रहरीहरुलाईनै अभद्र व्यवहार गरेका थिए ।
रामेछाप नगरपालिका वडा नं–८ का वडा अध्यक्ष सन्तोष तामाङ्गकाले यस अघि पनि प्रमुख दाहाल हरेक दिन राति मदिरा सेवन गरेर होहल्ला गर्ने गरेको स्थानीनयबाट गुनासो आउने गरेको बताउनुभयो ।
उहाले भन्नुभयो– “सुरुमा म र अरु केहि साथीहरु मिलेर उहालाई सम्झाई बुझाई गर्न खोज्यौ तर उहाले हामीलाईनै अपशब्द प्रयोग गरी गालि गलौज गर्न थालेपछि प्रमुख जिल्ला अधिकारी र प्रहरी नायव उपरीक्षकलाई फोन गरेर घटनाको वारेमा जानकारी गराएको थिए त्यसपछि प्रहरी आएर उहालाई लग्यो ।”
कार्यालय प्रमुखको यस्तो हर्कतले यहाँका स्थानीय आजित भएको पनि तामाङले बताउनुभयो ।
जिल्ला प्रहरी कार्यालय रामेछापका डिएसपी प्रदीप कुमार सिंहले दाहाललाई कार्यालय परिसर भित्र बाटै नियन्त्रणमा लिएर जिल्ला प्रहरी कार्यालय मन्थलीमा ल्याई थप अनुसन्धान भैरहेको बताउनुभयो ।
यो बारेमा तपाईको प्रतिकृया