मन्थली,११ भदौ । रामेछापको मन्थली नगरपालिकामा आयोजना गरिएको नगरपालिकाका प्राविधिक कर्मचारीहरु र साना तथा मध्यम उद्यमीका लागि उर्जा प्रभावकारी भवन डिजाइन सम्बन्धि ३ दिने तालिम मंगलवार बाट मन्थलीमा सुरु भएको छ ।
तालिममा मन्थली नगरपालिका र सिन्धुलीको कमलामाई नगरपालिकाका २५ जना भन्दा बढि भवन डिजाइन गर्ने प्राविधिकहरु सहभागि छन् ।
विल्डिङ इनर्जी इफिसियन्सी नेपाल परियोजनाको आयोजनामा सुरु भएको उक्त कार्यक्रमको उद्घाटन मन्थली नगर प्रमुख एबं कार्यक्रमका प्रमुख अतिथि लव श्रेष्ठले ब्यानर पढेर गर्नु भएको थियो ।
तालिममा वागमती प्रदेशको परियोजना सम्पर्क ब्यक्ती संगिता थापा, इन्जिनियरहरु क्रमश राजु सिवाकोटि, दिवश अधिकारी, अस्मिता अधिकारी ,ओमडी राज उपाध्याय लगाएतले सहजीकरण गरिरहनु भएको मन्थली नगरपालिकाका इन्जिनियर डिल्ली अधिकारीले बताउनुभयोे ।
तालिमको उद्घाटन सत्रका अवसरमा बोल्दै नगर प्रमुख श्रेष्ठले ठाँउ र भुगोलका आधारमा उर्जा प्रभावकारी भवन निर्माण गर्नु पर्ने भन्दै मन्थली नगरपालिका भित्र अब बन्ने नयाँ भवन उर्जा प्रभावकारी बनाउन आफु लागि पर्ने बताउनुभयो ।
कार्यक्रमकी अध्यक्ष समेत रहेकी मन्थली नगरपालिकाकी उपप्रमुख इश्वरी बस्नेतले हरेक संरचना निर्माण पछि अनुगमनको पाटो उप प्रमुखको भएको तर आफु प्राविधिक क्षेत्रको नभएका कारण निर्माण तर्फको धेरै कुरा थाहा नहुने भएपनि जस अब्जस भने आफुले लिनु पर्ने भन्दै प्रविधिक ज्ञान नहुँदा अनुगमन तथा मुल्याङ्कन मा समस्या हुने गरेको बताउनुभयो । उहाले नगर मा अब भवन निर्माण गर्ने हरुले उर्जा प्रभावकारी निर्माण गर्नुपर्ने बताउनुभयो ।
सो अबसरमा बोल्दै नेपाल पत्रकार महासंघ बागमती प्रदेशका कोषाध्यक्ष रमेश ढुंगेलले अब बन्ने आर.सी.सी(पक्की) भवन मात्र नभए ढुंगा माटोका र काठका घरहरु समेत उर्जा प्रभावकारी डिजाइन गरिनुपर्ने वताउनुभयो । उहाले पहिले भुकम्प प्रतिरोध भवन बन्नुपर्ने अनि मात्र उर्जा प्रभावकारी हुनुपर्ने कुरालाई जोड दिनुभयो ।
तालिम विहिवार सम्म चल्ने अयोजकले बताएको छ ।
यो बारेमा तपाईको प्रतिकृया