रामेछाप,१३ कात्तिक । मन्थलीमा रहेको साहारा बचत तथा ऋण सहकारीले गत आ.ब. २०८०÷०८१ मा नौ लाख ४० हजार नाफा कमाएको छ ।
१९ बर्ष अघि स्थापना भई मन्थली र रामेछाप नगरपालिकालाई आफ्नो कार्य क्षेत्र बनाएर सेवा प्रवाह गर्दै आएको छ ।
करिब ५ हजार सदस्य रहेको उक्त साकोसको साधारण सभाले सँस्थाका सचिव शिशिर खड्गीले पेश गरेको सांगठनिक र कोषाध्यक्ष चुक्त मगरले प्रस्तुत गरेको आर्थिक प्रतिवेदन पनि सर्व सम्मत रुपमा पारीत गरेको छ ।
आर्थिक प्रतिवेदनका अनुसार संस्थाले आफ्ना शेयर सदस्यहरुका लागि १४ प्रकारका निक्षेप सेवा र १५ प्रकारका ऋण सेवाहरू प्रदान गर्दै आएको छ ।
कोषाध्यक्ष मगरले सहकारीले आफ्ना शेयर सदस्यहरुलाई राहत सेवा, रेमिट सेवा, मोबाइल बैंकिङ सेवा, बाल बचत सेवा लगायतका सेवा प्रदान गर्दै आएको पनि आफ्नो वार्षिक प्रतिवेदनमा उल्लेख गरेका थिए ।
प्रतिवेदनमा संस्थाले चालु आर्थिक वर्षको लागि २८ करोड ऋण लगानी तथा भाखा नागेका ऋण असुलीलाई ५ प्रतिशत कायम गर्ने नीति अगाडि सारेको समेत उल्लेख गरिएको छ ।
सहकारीले १६ करोड २१ लाख ३७ हजार ७ सय ६५ रुपैयाँ ६९ पैसा ऋण लगानी गरेको, ३ करोड २३ लाख ९७ हजार ५ सय ५५७ रुपैयाँ ९५ पैसा आम्दानी गरेको पनि प्रतिवेदनमा उल्लेख गरिएको छ ।
साकोसका सचिब शिशीर खड्गीद्धारा प्रस्तुत संस्थाको प्रतिवेदनमा आगामी एक बर्ष भित्रमा ३९ करोड पु¥याउने लक्ष्य लिएको छ । सहकारीले सदस्यको मृत्यु भएमा प्रति मृतक २० हजारको दरले राहत प्रदान गर्दै गत आर्थिक वर्षमा २५ जना मृतकको परिवारलाई रु ५ लाख ३५ हजार प्रदान गरेको जानकारी पनि गराए । कार्यक्रम सहकारीका अध्यक्ष शिब श्रेष्ठको अध्यक्षतामा भएको थियो ।
यो बारेमा तपाईको प्रतिकृया