रामेछाप,कार्तिक ३० गते । यस बर्षको भेषजबिन्दु साहित्यिक पुरस्कार प्रा.डा.कृष्णप्रसाद न्यौपानेलाई प्रदान गरिएको छ । भेषजराज साहित्य प्रतिष्ठानले उहाँलाई एक समारोहका वीच पुरस्कृत गरेकोे हो ।
स्याङ्जा र पाल्पाको सिमानास्थल पर्ने उत्तरबाहिनीमा सम्पन्न भएको नियमित रचना वाचन र साहित्यिक यात्राको ७८ औं शृङ्खलाको अवसरमा त्रिभुवन विश्व विद्यालय,मानविकि संकाय, नेपाली केन्द्रीय विभागका प्रमुख समेत रहनुभएका प्रा.डा.न्यौपानेलाई नेपाली साहित्यमा दिएको योगदानको उच्च मुल्याङ्कन गर्दै पुरस्कृत गरिएको हो । सोही अवसरमा भेषजराज साहित्य सम्मानबाट डा.तर्कना शर्मालाई पनि सम्मान गरिएको थियो ।
प्रतिष्ठानका अध्यक्ष यामकान्त खनालको अध्यक्षतामा सम्पन्न उक्त पुरस्कारहरु मध्ये न्यौपानेलाई रु १० हजार नगद सहित प्रशंसा पत्र र दोसल्लाले सम्मान गरिएको थियो भने शर्मालाई दुई हजार नगद सहित प्रशंसा पत्र र दोसल्लाले सम्मान गरिएको संस्थाका अध्यक्ष खनालले जानकारी दिनुभयो ।
दुर्गाखिमा फाउण्डेशन र भेषजराज साहित्य प्रतिष्ठानले संयुक्तरुपमा आयोजना गगिएको सो कार्यक्रममा विभिन्न साहित्यकारहरु मार्फत आ–आफ्नो रचना वाचन गरिएको थियो ।
सो स्थानमा सञ्चालनमा रहेको मातापिता पूजन दामोदर धार्मिक महोत्सवका अबसरमा उहाँहरुलाई सम्मान गरिएको आयोजकले जनाएको छ ।
कार्यक्रमका अवसरमा डा. शालिकराम सुबेदी पूर्व सांसाद शंकर प्रसाद पाण्डे र कालिगण्डकी ज्ञान विज्ञान प्रतिष्ठानका अध्यक्ष चैतन्य कृष्ण लगाएले आ–आफ्नो मन्तब्य राख्दै यस्ता कार्यक्रहरुले सहित्यीक क्षेत्रको विकास हुने बताउनुभयो ।
यो बारेमा तपाईको प्रतिकृया