मन्थली,१२ मंसिर । अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले शुक्रवार देखि प्रथम अखिल कप –२०८१ प्रतियोगिता अयोजना गर्ने भएको छ ।
अनेरास्ववियुले बुधवार मन्थलीमा आयोजना गरेको पत्रकार सम्मेलनका क्रममा वोल्दै विद्यार्थी संगठनका अध्यक्ष पुश्कर भट्टराइले रामेछाप र सिन्धुली जिल्लाका अन्डर १५ खुल्ला पुरुष फुटवल प्रतियोगिताका लागि १६ वटा समुहले भाग लिएको बताउनुभयो ।
उहाँले प्रतियोगिताको बिजेताले नगद रु २० हजार उप विजेताले १० हजार सहित शिल्ड मेडल र प्रमाण पत्र प्राप्त गर्ने र सेमिफाइनलमा प्रवेश गर्ने तर फानलमा प्रवेश नगर्ने दुई वटा टिमलाई ५÷५ हजार नगद सहित प्रमाणपत्र समेत उपलब्ध गराउने पनि बताउनुभयो ।
साथै कार्यक्रममा सहभागी सबै खेलाडिहरुलाई प्रमाणपत्र र खेल अबधिभर प्रत्येक गोलकर्तालाई प्रोत्साहन स्वरुप प्रत्येक गोलको रु १ सयका दरले प्रदान गरिने पनि अध्यक्ष भट्टराइले बताउनुभयो ।
कार्यक्रमका अबसरमा नेपाल पुटवल संघ (एन्फा) को नियमानुसार खेलाइने उक्त प्रतियोगिता यहि मंसिर १४ गते विहान ८ बजे मन्थलीमा प्रभातफेरी सहित मन्थली माविको खेल मैदानमा पुगेर खेलकुद प्रतियोगिताको उद्घाटन गर्ने र उक्त प्रतियोगिता मंसिर १६ गते सम्म चल्ने बताइएको थियो ।
यो बारेमा तपाईको प्रतिकृया