मन्थली,२९ पुष । मन्थली नगरपालिकाको शुक्रावार सम्पन्न १६ औं अधिबेशनको निर्णयहरु आज सार्वजनिक गरिएको छ ।
मन्थली नगरले सोमबार पत्रकार सम्मेलनको अयोजना गरी निर्णयहरु सार्बजनिक गरिएको हो । सो अबसरमा बोल्दै नगरपालिकाका प्रबक्ता गोपाल श्रेष्ठले ९ वटा विधेयकहरु पारित गरेको जानकारी गराउँनुभएको थियो ।
नगर सभाले न्यायिक समितिको प्रतिबेदन, कर तथा गैर कर विधेयक २०८१ आर्थिक ऐन–२०८१ संशोधन विधेयक २०८१ (घर बहाल कर संशोधन बिधेयक २०८१ (घर बहाल कर संशोधन)विनियोजन ऐन–२०८१ , नगर अस्पताल ब्यवस्थापन र संञ्चालन विधेयक–२०८१ पारित गरेका प्रबक्ता श्रेष्ठले जानकरी गराउनुभयो । उहाँले लेखा समिति र बेरुजु फछ्र्यौट समिति पुनर्गठन विधेयक पारित भएको घोषणा गर्नुभयो ।
त्यसैगरी आगलागि नियन्त्रण र सचेतना कार्यक्रम सञ्चालनमा जोड, वालमैत्री नगर घोषणा कार्य योजना स्वीकृति र मन्थली भुत्याहा खोला– टेकानपुर – कठजोर – धोवि सडकलाई सुब्बा कृष्णलाल लोकमार्ग नामकरण विशेष प्रस्ताव पारित गरिएको सोमबार आयोजित पत्रकार सम्मेलनमा जानकारी गराउनुभयो ।
उहाँले यस अघि राजस्व संकलन तर्फ ३ करोड ८५ लाख आम्दानी हुने लक्ष राखिएकोमा यहि पौष २४ गते सम्म्मा रु १ करोड ८४ लाख १९ हजार ८६० राजस्व संकलन भएको बताउनुभयो ।
त्यसैगरी १ अरव १ करोड ९७ लाख ८१ हजारको बजेट स्वीकृत गरिएकोमा चालु आ ब को पौष २४ गते सम्म चालु ३६।६५ तथा पुजीगत खर्च ९ प्रतिशत गरी जम्मा कुल खर्च २७.९९ प्रतिशत भएको पनि जानकारी गराउनुभयो ।
नगर उप–प्रमुख इश्वरी बस्नेतको अध्यक्षतामा सम्पन्न उक्त कार्यक्रममा पत्रकारहरुले राखेको जिज्ञासाका बारेमा प्रबक्ता श्रेष्ठ,उपप्रमुख बस्नेत प्रमुख प्रशासकिय अधिकृत देबर्षि सापकोटा,उप–सचिब हेमन्त बुढाथोकीले जवाफ दिनुभएको थियो ।
यो बारेमा तपाईको प्रतिकृया