मन्थली,६ माघ । नेपाली काँग्रेसको एक सय दिने बिशेष अभियान सञ्चालनका लागि मन्थली नगर कार्यसमितिले अभियान सुरुवातको मिति र आफ्नो समतिका सदस्यहरुलाई प्रतिनिधि तोकेको छ ।
आइतवार मन्थलीमा बसेको सम्बन्धित वडामा खटिनुभएका जिल्ला कार्यसमितिका सदस्यहरु,महासमिति सदस्य एबं महाधिबेशन प्रतिनिधिहरु क्षेत्रीय कार्यसमितिका सदस्यहरु,नगर कार्य समितिका पदाधिकारी एबं सदस्यहरु र वडा सभापतिहरु सहितको तयारी बैठकले मिति र प्रतिनिधिहरु तोकेको हो ।
नगर सभापति शंकर अधिकारीको अध्यक्षतामा सम्पन्न उक्त भेलाले यही माघ ८ गते देखि १६ गते सम्म सबै वडामा अभियानको सुरुवात गर्ने तालिका सार्वजनिक गरेको छ ।
सार्वजनिक भएको तालिका अनुसार माघ ८ गते मन्थली नगरपालिकाको वडा नं ७ र १० मा,११ गते वडा नं ११ र १२ मा १२ गते वडा नं ४ र ५ मा, १३ गते वडा नं २ र ३ मा १५ गते वडा नं १,६,१३,१४ मा १६ गते वडा नं ८ र ९ मा अभियानको सुरुवात गर्ने कार्यक्रम रहेको छ ।
उक्त वडाहरुमा नगरको तर्फबाट १ दखि १४ सम्म क्रमश कृष्ण राम फुयाल, कोमल बहादुर श्रेष्ठ, सरस्वती शिवाकोटी, सोमबहादुर मगर, बिन्दा कार्की ,बृहस्पति माझी, हरि थोकर, जानकी कर्माचार्य र देबेन्द्र ढुंगेल,म्हेन्दो लामा, नानिवाबु बुढाथोकी,राम बहादुर तामाङ,रबिन्द्र खत्री गोपाल भुजेल र राम सिं तामाङ लाई खटार्एको छ ।
पूर्व तयारी भेलामा बोल्दै पार्टि सभापति एबं उर्जा सिंचाई तथा जलस्रोत राज्य मन्त्री पूर्ण बहादुर तामाङले पार्टिलाई दरो बनाउन सबैजना आ–आफ्नो क्षेत्रबाट लाग्न अनुरोध गर्नुभयो ।
उहाँले आफु पदमा रहुन्जेल जिल्लाको विकासका लागि आबश्यक बजेट पार्न पहल गरिरहने पनि प्रतिबद्धता ब्यक्त गर्नुभयो । उहाले आफ्नो मन्त्रीको पालोभरी काँग्रेसको कार्यकर्ताहरु विकास परेन भनेर निरास हुनु नपर्ने जिकिर गर्नुभयो ।
सो अबसरमा उप–सभापति लेख बहादुर कार्की, पुर्व महासमिति सदस्य युवाराज भट्टराई, झनक श्रेष्ठ, जिल्ला कार्यसमिति सदस्य यसोदा श्रेष्ठ, आमन्त्रित सदस्य उर्मिला कार्की बस्नेत लगाएतले १०० दिने अभियान सञ्चालन गर्ने तरिकाका वारेमा जानकारी गराउनुभएको थियो भने विभिन्न वडाका वडा सभापतिहरुल्ो पार्टि नेतृत्वले प्रभावकारी काम गर्न नसक्दा समस्या भएकोले प्रभावकारी काम सहित विकास निर्माणका काममा जोड दिन सुझाव दिएका थिए ।
यो बारेमा तपाईको प्रतिकृया