मन्थली, ५ साउन । साउनको पहिलो हप्ता वित्न लाग्दा समेत जिल्ला सदरमुकाम मन्थली रहेको करिव ४ सय रोपनी फाँटमा रोपाई हुन नसके पछि यहाँका कृषकहरु कुलो बनाउन जुटेका छन् ।
दिनभरको टन्टलापुर घाम खपेरै भएपनि रणजोर खोलाका ढुंगाहरु ओसार्ने सेउला काट्ने काम गरेर सोही खोलामा रहेको बाध बनाउन उनीहरु जुटिरहेका हुन् ।
यस अघि असार महिनामा रणजोर खोलामा आएको बाढिले खेतको सतह भन्दा ३ मिटर भन्दा बढि गहिरो पारी कुलाको बाँध लगेपछी यहाँको उक्त फाँट हाल सम्म पनि रोपाई हुन सकेको छैन ।
बिशेष गरी सानीमदौ, ठुली मदौ रात्टार,मच्छेडाडी र मन्थली खादवारी का मानिसहरुको बढी खेत रहेको उक्त फाट रोपाई गर्न उनीहरुले तिन दिन देखि दैनिक जसो जनश्रमदान गरी कुलोको बाँध बनाउन जुटीरहेका छन ।
स्थानीय निकायको आशा गर्दा गर्दै आफुले राखेको विउ छिपिन्न लागेकोले जनश्रमदान गरेरै भएपनि कुलोका बाध बनाएर रोपाई गर्ने योजना बनाएको स्थानीय कृषक बिष्णु सुबेदीले बताउनुभयो ।
एक सय वीस घरधुरीका महिला र पुरुष सबै उपस्थित भएर कुलो बनाए धान रोपेरै छाड्ने अठोटका साथ महिलाहरु पनि त्यत्तिकै संख्यामा कुलो बनाउन जुटेको स्थानीय कृषक उर्मिला सुबेदीले बताउनुभयो ।
खेतको सतह भन्दा निक्कै गहिरो बनाएर कुलाको बाध खोलाले कटान गरेपछि यहाँका ति एक सय वीस् घरधुरीका मोहीहरु जम्मा भएर कुलो चलाउने कम्मर कसेका हुन् ।
गाँउका पुरुष र महिला बरावारी रुपमा यस कामका लागि खटेका छन् ।
असार महिनाको पहिलो सातानै आफ्नो खेतको नजिक रहेको कुलाको बाध आफ्नो खेत सहित बगाएको तर यसलाई आफ्नो खेत गएपनि कुलोचलाए धान रोपाई गर्ने तयारी का साथ गाँउले सबै मिलेर कुलो मर्मत गर्न लागेको साथै कुलोको बाध सँगै आफ्नो धेरै खेत रणजोर खोलले बगाएपछि अब नबगाउने गरी बनाउनका लागि मन्थली नगरपालिका लाई अनुरोध गर्ने स्थानीय कृषक गोपी भुजेलले बताउनुभयो ।
आफुहरुले तीन चार दिन सम्म श्रमदान गर्दापनि कुलाको बाँध बनाउन गारो भएपछि मन्थली नगरपालिकालाई अनुरोध गरेको र पालिकाले जेसिवि पठाइदिन्छु भनेकोले अब कुलो को बाध वनाउन सजिलो हुने अपेक्षा आफुहरुले गरेको अर्का कृषक शिब सुबेदी बताउनुहुन्छ ।
मन्थली नगरपालिकाका नगर प्रमुख लव श्रेष्ठले भने कुलो को बाँध भत्किएर हाल सम्म रोपाइ नभएको भन्ने गुनासो भर्खरै प्राप्त हुन आएकोले उक्त समस्या समाधानका लागि आफ्नो पालिकामार्फत जेसिवी चाडैने पठाउने तयारी गरिएको बताउनुभयो ।
यदि स्थानीय तहले यस समस्याको समाधान गरिदिने हो भने साउनको पहिलो हप्तामानै मन्थली नगरपालिका वडा नं –१ को ४ सय रोपनी भन्दा बढि खेतमा रोपाई हुने अर्का कृषक कुमार सुबेदी बताउनुहुन्छ ।
यो बारेमा तपाईको प्रतिकृया