मन्थली, २७ साउन । रामेछाप जिल्ला मन्थली नगरपालिका वडा नं –७ निवासी १५ बर्षिय सन्देश पाण्डे अहिले भारतको नयाँ दिल्ली स्थित राजिवगान्धि अस्पतालमा वोनम्यारो ट्रान्सप्लान्ट गर्ने प्रकृयामा छन् ।
निजकी बहिनी सबिना पाण्डे दाजुलाई आफ्नो बोनम्यारो दिन तयार भएर उक्त अस्पताल पुगेकी छिन् ।
अत्यन्तै खर्चिलोे प्रविधि अन्तर्गत पर्ने यो उपचार पद्धति आफ्नो परिवारको आर्थिक हैसियत बाट मात्र सम्भव हुने अबस्था नभएको ले उपचार गर्न निकै कठिनाई भैरहेको निजका बुबा सन्तोष पाण्डेले बताउनुभयो ।
यस अघि २०८१ मंसिर महिना देखि भक्तपुर क्यान्सर अस्पतालमायस रोगको उपचारका पद्धतिहरु अपनाउदा अपनाउदै करिब २० लाख खर्च गरी सकेका पाण्डेको थप उचार निक्कै चुनौतिपूर्ण बनेको छ । नयाँ दिल्लीको अस्पतालमा गर्न लागिएको ट्रान्सप्लान्टका लागि करिब २५ लाख खर्च लाग्ने अनुमान त्याहाँका डाक्टहरुले गरेका छन् ।
विपन्न परिवारका पाण्डेको उपचार सबैको सहयोग विना असम्भव जस्तै देखिएकोले सबैले सकेको सहयोग गरी उनकाे जीवन रक्षा गर्न जरुरी रहेको मन्थली नगरापालिका वडा नं –७ का निवर्तमान वडा अध्यक्ष सुदर्शन प्रसाइले बताउनुभयो ।
पिडित पाण्डेले आफ्नो जीवन बचाउन चाहाने महानुभावहरुले कुमारी बैंकको खाता नं (१९१०३२६९२७२००००१) वा फोटो सँगै रहेको क्युआरमा अाफुले सकेकाे रकम जम्मा गरिदिन सम्बन्धित सबैसँग हार्दिक अपिल गरेका छन् ।
यो बारेमा तपाईको प्रतिकृया