मन्थली ५ मङ्सिर । रामेछाप जिल्लाको खाँडादेवी गाँउपलिका बाट मन्थली नगरपलिका तर्फ आँउदै गरेको ना १ ज ५५५८ नंम्बरको यात्रुवाहक सुमो खाँडादेवी गाँउपालिकाको वडा नं –४ स्थित रजगाँउमा दुर्घटना हुँदा चालक सहित ८ जना घाइते भएका छन् ।
जिल्ला प्रहरी कार्यालय रामेछापका प्रमुख भोला कुमार भट्टले दिनुभएको जानकारी अनुसार सडक बाट करिब ५० मिटर तल खसेर दुर्घटना भएको हो । यसरी दुर्घटनामा परी घाइते हुनेहरुमा मन्थली नगरपालिका वडा नं –२ का ४० बर्षिया कोपीला श्रेष्ठ, वर्ष २४ की सन्चिता श्रेष्ठ, मन्थली न. पा. वडा नं –३ की ७० बर्षिया तिलमाया श्रेष्ठ, ५० बर्षिया कृष्ण माया खड्का, ५४ बर्षिया गीता माया जोगी, ५५ बर्षिया कोपिला जोगी , ७८ बर्षिया चेत कुमारी श्रेष्ठ र ४९ बर्षिय चालक रमेश बुढाथोकी रहेका छन् ।
घाइतेहरु मध्ये कोपिला श्रेष्ठको अबस्था गम्भिर रहेको छ भने अरुको अबस्था मध्यम रहको पनि प्रहरी प्रमुख भट्टले जानकारी दिनुभयो ।
सबै घाइतेहरुलाई मन्थली नगर अस्पतालमा सामान्य उपचार पछि थप उपचारका लागि काठमाण्डौ पठाइएको छ ।
उहाँले दुर्घटनाको कारण भने अनुसन्धान भैरहेको बताउनुभयो ।
यो बारेमा तपाईको प्रतिकृया