मन्थली,३ माघ । हरेक वर्ष प्रदान गरिदै आएको जगदीश घिमिरे स्मृति पुरस्कार पवन आलोक र मिना चौलागाँइले प्राप्त गर्नु भएको छ ।
शनिवार जगदीश घिमिरे प्रतिष्ठानले मन्थलीमा आयोजना गरेको ११ औ जगदीश घिमिरे स्मृति साहित्यीक सभा कार्यक्रमका अबसरमा चौलागाँई जगदीश घिमिरे स्मृति पुरस्कार– २०८१ र आलोक जगदीश घिमिरे स्मृति पुरस्कार–२०८२ बाट पुरस्कृत हुनु भएको हो ।
सम्मान पत्र र रु एकाउन्न हजार पुरस्कार राशी रहेको उक्त पुरस्कार बर्ष विभिन्न कारणले वितण हुन नसकेपछि दुबै पुरस्कार यस बर्ष प्रदान गरिएको जगदीश घिमिरे प्रतिष्ठानकी अध्यक्ष दुर्गा घिमिरेले बताउनुभयो ।
मन्थली नगरपालिकाकी उप प्रमुख इश्वरी वस्नेतको प्रमुख आथित्थ्यतामा र प्रतिष्ठानकी अध्यक्ष घिमिरेको अध्यक्षतामा सम्पन्न उक्त कार्यक्रमका अबसरमा राष्ट्रिय तथा स्थानीय स्तरका स्रष्टाहरुले आ– आफ्ना रचना वाचन गरेका थिए भने “जगदीश घिमिरेको साहित्य र समाजसेवामा उपस्थिति” विषयक वक्तृत्वकला प्रतियोगिता समेत आयोजना गरिएको थियो ।
मन्थली नगरपालिका वडा नं –१ मा रहेका माध्यामिक तहका छात्राहरुलाई सहभागि गराइएको उक्त प्रतियोगितामा प्रथम, द्वितिय र तृतिय हुने क्रमशः नागकान्या मावि की छात्रा सन्ध्या माझी, लिटिल स्टार इङलिस बोर्डिङ स्कुल मन्थलीकी छात्रा सन्जिता थापा र नागकन्या मावि मन्थलीकै छात्रा रोनिका माझी लाई नगद तथा प्रमाण पत्र सहित पुरस्कृत गरिएको थियो ।
त्यसैगरी लिटिल स्टार इङलिस बोर्डिङ स्कुलकी समिक्षा दगांल मन्थली माविकी सन्जीता कार्की र केब्स स्कुलकी गरिमा नेपालीले सान्त्वना पुरस्कार प्राप्त गरेका थिए ।
यो बारेमा तपाईको प्रतिकृया