रामेछाप ३१ जेष्ठ । मन्थली नगरपालिका वडा नं ८ को चिसापानिमा पनि योग ध्यान साधना केन्द्र सँचालनमा ल्याईएको छ । बढ्दो ब्यस्तता र अनियन्त्रीत खानपान सँगै मानीसहरुमा विभिन्न खालका रोगलाग्ने क्रममा बृद्धि भए सँगै त्यसको न्युनिकरणका लागि योग ध्यान साधना केन्द्र सँचालनमा ल्याईएको हो ।
भिमेश्वर सामुदायीक सिकाई तथा सूचना केन्द्र चिसापानिको भवनमा सात दिन सम्म सँचालन गरिएको साधना केन्द्रका लागि पतन्जली योग साधना केन्द्र रामेछापका योग प्रशिक्षक द्धय योगेन्द्र न्यौपाने र विमल कठाएतले प्रशिक्षण दिनु भएको थियो ।
साधना केन्दमा करिव ५० जना साधक र साधिकाहरुले नियमित रुपमा सहभागिता जनाई रहेका छन् । उक्त केन्द्रलाई नियमित रुपमा सँचालन गरि प्रभाबकारी केन्द्रका रुपमा विकास गर्नका लागि आफुहरुले पनि सहयोग गर्ने मुख्य प्रशिक्षक योगेन्द्र न्यौपानेले बताउनु भयो । साधना केन्द्रलाई चर स्थायी र मानबमैत्री बनाएर सँचालन गर्नका लागि कुनै पनि कसुर नराख्ने आयोजक पक्षले जनाएको छ ।
सकरात्मक सोच्ने शैलिको ब्यवस्थापन र देनिकको आहार विहारमाथिको अस्वभावीकतालाई नियन्त्रण गरि सुन्दर मानब जीवनलाई सहज तरिकाले जीउन सहजहोस् भन्नका लागि पनि साधना केन्द्र सँचालनमा ल्याईएको पनि मुल प्रशिक्षक योगेन्द्र न्यौपनिले जानकारी दिनुभयो ।
साधना केन्द्र सँचालनमा आए सँगै स्थानियहरु निकै उत्साह भएको केन्द्रकी सहजकर्ता पद्मा श्रेष्ठले बताउनु भयो । उहाँले भन्नु भयो केन्द्रका लागि प्रशिक्षक आवश्यक पर्ने हुँदा जिल्लाबाट प्रशिक्षक झिकाएर ७ दिने सह प्रशिक्षक प्रशिक्षण तालिम सँचालन गरिएको हो । अब स्थानिय हरुको चाहनाका आधारमा नियमित योग साधना गरिने पनि उहाँको भनाई रहेको थियो । तालीमको उद्घाटन् मन्थली नगरपालिकाका प्रमुख लव श्रेष्ठले गर्नु भएको थियो भने प्रशिक्षण तालीमको समापन उप प्रमुख ईश्वरी बस्नेतले गर्नु भएको थियो ।
साधना केन्द्र सँचालनमा आउन लाग्दा आफुलाई कुनै पनि विश्वास नलागेको भएपनि नियमितको योग अभ्यास र व्यायमले आफनो शरिरमा छोटो समयमानै सहजताको अनुभूति भएको निर्वतमान वडा अध्यक्ष समेत रहेका राजकुमार श्रेष्ठले बताउनु भयो । उहाँले भन्नु भयो साधना केन्द्रलाई दर्घजीवी बनाउनका लागि हामीले सबै खाले प्रयत्न गर्ने छौ ।
यो बारेमा तपाईको प्रतिकृया